Seysenbi, 7 Säuir 2020
COVID-19 QAZAQSTANDA. Jwqtırğandar — 685. Jazılğandar — 47. Qaytıs bolğandar — 6
2838 1 pikir 31 Şilde, 2017 sağat 09:40

Päkistanda "kek qaytaru üşin zorlauğa" bwyrıq bergen auıl keñesi müşeleri wstaldı

Päkistan policiyası auıl keñesiniñ basşısı men ortalıq keñestiñ 23 müşesin ağasınıñ qılmısı üşin 16 jastağı qızdı zorlauğa bwyrıq berdi degen küdikpen wstağanın mälimdedi.

Policiyanıñ resmi ökili Şabin Karim keñes basşısı Said Patvari men auıl keñesiniñ müşesi Radja Pur Multan qalasınıñ mañında twtqındalğan. Şabin Karimniñ sözderinşe, wstalğandardıñ bäri şilde ayında bolğan keñeske qatısqan. Onda Said Patvari Mohammad Aşfakqa öziniñ qarındasın zorlağan Omar Vaddadan kek alu üşin, onıñ da 16 jastağı qarındasın zorlauğa bwyrıq bergen.

Policiya qızmetkeri Alla Bakş olar bir-birlerine tuısqan bolıp keletinin aytadı. Aqparatqa qarağanda, Aşfak pen Vadda da äli bostandıqta jür.

Päkistandıq Dawn gazeti 16 jastağı qızdı ata-anasınıñ, aqsaqaldar keñesi müşeleriniñ aldında zorladı dep jazadı. Policiyanıñ habarlauınşa, medicinalıq saraptama eki oqiğada da qızdardıñ zorlanğanın rastağan.

Abai.kz

1 pikir