Senbi, 4 Säuir 2020
COVID-19 QAZAQSTANDA. Jwqtırğandar — 464. Jazılğandar — 29. Qaytıs bolğandar — 3
Körşiniñ köleñkesi 4676 24 pikir 4 Tamız, 2017 sağat 11:53

Resey de sankciya jariyaladı: Sayajayğa kiruge rwqsat joq!

 

Resey de öz älinşe AQŞ-qa qarsı sankciya jariyalap jatır. Öytkeni AQŞ prezidenti Donal't Tramp tamızdıñ 2-si küni RF-ğa, Iranğa, Soltüstik Koreyağa qarsı sankciyalardı küşeytu turalı jarlıqqa qolıp qoyıp jibergen bolatın. Sonıñ qarımtası retinde Krmel' de qarmanıp, qarsı qareket jasap, AQŞ diplomattarınıñ Mäskeudegi «Serebryanıy Bor» sayajayına  kiruine tiım saldı. Bwnımen qosa, Kreml' AQŞ-tıñ Mäskeudegi elşiligi men Sankt-Peterbordağı Bas konsuldığında qızmet etetin qarası 755 qızmetkerdi qırküyektiñ 1-ine deyin eline qaytarmaq.

Osı turasında orıs basılımdarı: «AQŞ elşiliginiñ diplomatiyalıq qızmetinde jürgen mamandar endi qaytıp «Serebryanıy Bor» sayajayına kire almaydı. Bwl sayajay eki el arasındağı sayasi salqındıqtı toqtatıp, taraptardıñ tabısuına sep bolıp kelip edi. Bwl sayabaqta tiresip, siresip bastalğan talay äñgimeniñ soñı jaymaşuaqtanıp bitetin. Ökpe-reniştiñ bäri wmıtılatın, biraq, barbekyu-pati este qalatın», - dep jazuda.

«Serebryanıy Bor»...bwl ataudıñ qaydan şıqqanın orıstardıñ özderi de bilmeydi.  Biraq, äyteuir, toyğanşa işip, toyğanşa jep, soñınan domalap jata ketuge ıñğaylı, salqın sabatqa kömilgen toğay işi – jannıñ rahatı. Sol toğaydıñ alañqaylarında demalatın üyler salınıp, bir kezde bwnda «Pravda» men  «Moskovskiy Komsomolec» gazetiniñ tilşileri, Mäskeudegi Ülken teatrdıñ qızmetkerleri sayrandı salğan körinedi.  Keyin Argentina, Livan eliniñ elşilik qızmetkerleri, SOKP OK-niñ adamdarı sayajay etip twra bastağan. Sol sayabaqtıñ sıqpıtı mınau:

Abai.kz

24 pikir