Särsenbi, 1 Säuir 2020
2834 9 pikir 8 Qırküyek, 2017 sağat 15:10

Mwhtar Qwl-Mwhammed: Elbasımızdıñ «Ruhani jañğıru» bağdarlaması Abay atamızdıñ ösietterimen özektes

Şığıs Qazaqstan oblısında Elbasımızdıñ «Ruhani jañğıru» bağdarlamasın jüzege asıru jwmıstarı qarqındı jürgizilude. Osı bağıttağı igi isterdiñ orındaluın baqılap, oblıstağı kieli jerlerge arnayı barğan «Nwr Otan» partiyası Törağasınıñ Birinşi orınbasarı Mwhtar Qwl-Mwhammed Qoñır äulie üñgirinde boldı.

Atalğan nısan oblıstağı kieli jerler kartasına engizilgen. Aldağı uaqıtta «Ruhani jañğıru» ayasında mwnday orındarğa kürdeli jöndeu jürgizilip, ondağı qızmet körsetu sapası jaqsarmaq. Sonıñ arqasında oğan keletin turister men ziyaratşılardıñ sanı da aytarlıqtay artadı dep kütilude.

Abay audanında ornalasqan köne türik däuirine jatatın Qoñır äulie üñgiri el arasında tarihi añızdarımen jäne emdik qasietke ie suımen belgili. Mwnda kezinde danışpan Abay, wlı jazuşı Mwhtar Äuezov siyaqtı twlğalar kelgen. Keyin M.Äuezov öziniñ «Abay jolı» romanında üñgir turalı aytıp ötedi. Al büginde bwl jerge jılına 10 mıñğa juıq sayahatşı men ziyaratşı keledi.

Osınday orındardı qasterleudiñ mañızı zor ekenin aytqan Mwhtar-Qwl-Mwhammed: «Elbasımız ärdayım wltımızdıñ wlı aqını Abay mwrasın qadirlep, barşa halıqtı onıñ öleñderi men qara sözderinen önege aluğa şaqırıp keledi. Prezidentimiz wsınğan «Ruhani jañğıru» bağdarlaması da Abay atamızdıñ bükil älemdegi oqu, bilim, mädeniettiñ eñ ozıq ülgilerinen üyrenu jönindegi ösietterimen özektes. Endeşe wlı oyşıldıñ izi qalğan Qoñır äulie üñgiri siyaqtı mekender biz üşin nağız kieli jer boluğa tiis. Tuğan jerge tağzım osınday qasietti orındardı qadirlep, qasterleuden bastaladı», – dedi»

Sonımen qatar, partiya Törağasınıñ Birinşi orınbasarı Tarbağatay audanındağı kieli jerlerdiñ biri Irğızbay ata kesenesinde boldı. Bwl kesene HİH ğasırdıñ orta twsında salınğan dini arhitekturalıq eskertkiş. Irğızbay Dosqanawlı zamanında qazaq dalasındağı därilik şöpterdiñ qasietteri men qoldanu täsilderin jetik meñgergen äygili emşi jäne sınıqşı bolğan. Keşende keseneden bölek, meşit, muzey jäne eki mıñnan astam kitap qorı saqtalğan kitaphana jwmıs isteydi. Tipti sol kitaptardıñ arasında HVII-XVIII ğasırlarda jazılğan Ibn Sinanıñ medicinalıq traktattarı da bar.

Abai.kz

9 pikir