«Til sheberi-2017» dәstýrli bayqauy jahandyq órkeniyet pen elimizding damu baghytyna say ýsh tildi – qazaq, orys jәne aghylshyn tilderin jetik mengergen, jan-jaqty bilimdi, óz salasynyng kәsiby mamany dep tanylghan memlekettik qyzmetshi jastardy anyqtap, qoldau kórsetu maqsatynda jýzege asyp keledi. Sheber sóileu-ýlken óner. Ásirese, memlekettik qyzmetshi jastardyng til sheberligining kórkemdigi óte qajet-aq. Sebebi tildi tigisin jatqyzyp, dúrys qoldanghan sóz óneri arqyly kózdegen maqsatyna bir taban jaqynday týsesiz. Ol ýshin tilinizden bal tamyp túruy kerek.

Atalmysh bayqaugha talabyn úshtap, ýmitin ýkilep kelgen jastargha aqjarma tilegin aqtaryp, til bәigesinde mynnan túlpar, jýzden jýirik shyghuyna aq jol aitqan Sh. Shayahmetov atyndaghy tilderdi damytudyng respublikalyq ýilestiru-әdistemelik ortalyghynyng diyrektory Erbol Erdembekúly Tileshov sayystyng shymyldyghyn ashty. Aytuly bilim men biliktilik bәigesine memlekettik ortalyq atqarushy organdarda qyzmet etetin 21-29 jas aralyghyndaghy 18 ýmitker qatysty.

Bayqau shartyna say qatysushylar «Túsaukeser», «Últtanym», «Ónertanym» bólimderi boyynsha baq synady. Basty ústanym- olardyng ýsh tildi mengeru dengeyi men tildik normany saqtauy, orfografiyalyq jәne orfoepiyalyq sauattylyqtaryna kónil audaryldy. Sonyng ishinde memlekettik tildi jetik bilui qazylar alqasynyng nazarynda boldy.

Sayysta úshqyrlyghy, bilimdiligi, tapqyrlyghymen qarsylastarynan oq boyy ozyq shyqqan QR Jogharghy Sotynyng mamany Arystanbekov Núrdәulet 350 myng tenge bas jýldeni qanjyghasyna baylady. Al birinshi oryn 200 myng tenge QR Memlekettik kýzet qyzmetining ofiyseri Ábdiramanova Gýljaynanyng ýlesine tiyse, ekinshi oryn 150 myng tengeni QR Últtyq bankining bas mamany Óskenbaeva Áygerim enshilep, ýshinshi oryn 100 myng tengeni QR Densaulyq saqtau ministrligining sarapshysy Múhametbek Baqjan iyemdendi. Sonymen qatar, QR Ádilet ministrligining sarapshysy Quanyshbek Shynar men Respublikalyq budjetting atqaryluyn baqylau jónindegi esep komiyteti, Personaldy basqaru jәne aqparattyq qauipsizdik bólimining sarapshysy Ábiltaev Ghabit 50 myng tenge yntalandyru syilyghymen marapattaldy.

Bas jýldening iyegeri Arystanbekov Núrdәulet quanysh qúshaghynda túryp, oiymen bólisip: «Býgin әriptesterimning arasynda ýzdik dep tanylyp, jenimpaz atanghanyma bek quanyshtymyn. Múnday sayystar bizding jigerimizdi janyp, tabystargha jetuge qúlshyndyratyny sózsiz. Ásirese, «Til sheberi» bayqauynyng jenimpazy bolu onay emes eken. Jan-jaqty ýsh tildi erkin mengeru býgingi kýnning basty talaby ekenin úghynyp kelemiz. Jangha shuaq, kónilshe quat berip, tәuelsiz elinning bolashaghy jolynda enbektenuge jeteleytin osynday sayystardyng jalghasyn tauyp jatsa núr ýstine núr emes pe. Bayqaudy úiymdastyrushylargha degen alghysym sheksiz» dep sózin týiindese, sayys ýmitkeri QR Investisiyalar jәne damu ministrligining bas sarapshysy Seyilhan Ádilbek óz pikirin algha tartty: «Men osymen ekinshi jyl qatarynan qatysyp otyrmyn. Bylaysha aitqanda bayqaudyng «aqsaqalymyn». Men jýldege ilikpey qalghanyma esh ókinbeymin. «Jýre-jýre kópti kóresin» degendey, qayta kóp nәrseni ýirendim. Shyndalu mektebinen ótip jatyrmyn dese de bolady. Mening úsynysym «Ónertanym» dep atalatyn ýshinshi bólimdegi ýsh tilde janyltpash oqudyng ornyna basqasha bir qyzyqtyraq, bilimindi anyqtaugha baghyttalghan sayys bolsa eken deymin. Sodan keyin ýmitkerlerding oilanuyna әri jauap beruine beriletin alty minut uaqyt óte kóp sekildi. Bolashaqta osy úsynystardy úiymdastyrushylar qaperine alady degen oidamyn. Jalpy, bayqaudyng maqsaty, baghyty óte dúrys»

Sóitip, qyzyqty, tartysty ótken sayys mәresine jetti. Bayqaugha qatysqan barlyq ýmitkerler alghys hattarmen marapattalyp, gýl shoqtary úsynyldy. Klara Tólenbaeva, Rýstem Núrjigit, Múrat Qoja, Aygýl Qosanova, «Gýlder-ay» by ansambili siyaqty ónerpazdardyng qatysumen konsert qoyylyp, qatysushylar men kórermenderdi bir serpiltip tastady.

abai.kz