Ózbek jurnaliysi Solidjon Abdurahmanov úzaq jyldardan keyin týrmeden shyqty
4 qazanda Ózbekstan biyligi týrmede 9 jyldan artyq otyrghan tәuelsiz jurnalist Solidjon Abdurahmanovty bostandyqqa shyghardy. Ony týrme esigi aldynda әriptesteri men qúqyq qorghaushy Abdurahman Tashanov kýtip aldy.
67 jastaghy Solidjon Abdurahmanov 2008 jyly esirtki paydalandy degen aiyppen on jylgha bas bostandyghynan aiyrylghan. Ol sol kezderi sanauly tәuelsiz jurnalisterding biri bolghan.
Uznews.net internet basylymynyng bas redaktory, kezinde úzaq jyldar Solidjon Abdurahmanovpen birge júmys istegen Galima Búharbaeva sayasy tútqyndardyng birtindep bosatylyp jatqanyn, biylikting ózgeruimen týsindiredi.
2008 jyldyng jazynda Abdurahmanovty kóliginen esirtki tabyldy dep qamaugha alghan. Biraq medisinalyq saraptama onyng nasha qoldanbaytynyn dәleldegen.
Týrmede otyrghan úzaq jyldarda jurnalist ózine taghylghan aiyptardy moyyndamay keldi. Ol kóligine esirtkini qúqyq qorghau organdarynyng qyzmetkerleri әdeyi tastady degen senimde.
Abai.kz
