Elbasy Núrsúltan Nazarbaevtyng «Bolashaqqa baghdar: ruhany janghyru» atty ózekti maqalasy qoghamda keninen talqylanyp jatyr. Býgingi óskeleng úrpaq bolashaqqa basqan qadamdaryn qalay saralap, búqaralyq sanany qalay ózgertetinimiz jan-jaqty baghalanghan tuyndy shet elderde de qyzyghushylyq tanytyp otyr. Múny QR Mәdeniyet jәne sport ministrligi tarapynan úiymdastyrylyp jatqan týrli sharalar barysynda da, әsirese shet elderde ótip jatqan aituly is-sharalar ótkizgende aiqyn angharamyz.

Búghan tayauda jazushy, dramaturg Dulat Isabekovtyng «Jaujýrek» piesasy London teatrynda saxnalanghanynda taghy kóz jetkizdik. Dramaturgtyng 75 jasqa keluine oray úiymdastyrylghan búl sharagha korey, aghylshyn teatrlary da qatysqan eken. Osynday bedeldi ózge elder teatr maytalmandary arasynda bizding otandyq tuyndymyz, ózimizding әrtisterimiz oryndauynda sahnagha shyghuy quantady.

Sonymen, Baluan Sholaqtay segiz qyrly, bir syrly el ardaqtysy piesa jelisining basty túlghasyna ainalghan qoyylym Europa mәdeniyetining bedeldi oshaghy – Londonda saxnalandy. Dәl osy qoyylymnyng Úlybritaniya astanasyndaghy alqaly festivali shymyldyghyn ashuy de tegin emes. Bir ghana keyipker arqyly qazaq xalqynyng bastan keshken auyr taghdyry, keshegi imperiyalyq pighyl men súrapyl sayasatty akterler eki saghatta kórermenning kóz aldyna әkelipti. Sonymen qatar  qazaq dalasynyng darxan minezin, ónerin Baluan Sholaqtyng rólin somdaghan akter Erlan Bilәl tamasha jetkizdi, deydi teatr ónerining sarapshylary.

Ádebiyettanushy Sara Kopley qazaq jazushysy D. Isabekov tuyndylarymen búryn da tanys ekenin, al myna «Jaujýrek» piesasynyng sәtti sahnalanuy ony jana bir qyrynan tanuyna yqpal etkenin jasyrmaydy. «Jalpy Dulat Isabekovtyng shygharmalary tarixy dýniyeni alystan әri tura jetkizedi, mening ony sýisinip oqitynyma da sol sebep», – dep ol aghynan jarylady.

Britan-qazaq qoghamynyng tóraghasy Rupert Gudman da akterlerding sheberligine tәnti bolghanyn aitady. «Qoyylymda elding tarixy da, mәdeniyeti de bar. Múnda tek qazaqtyng jaghdayy ghana emes, xalyqaralyq mәsele de qozghaldy. Jalpy qazaq teatrynyng Londongha kelip óner kórsetui jaqsy dәstýr», deydi ol.

Qazaq teatrynyng Londongha jol tartuy dәstýrge ainaldy deuge bolady, deydi festivali úiymdastyrushylary. Biyl 75 jasqa kelip otyrghan jazushy, dramaturg Dulat Isabekovtyng shygharmasy múnda osymen ekinshi ret saxnalanyp otyr eken.

Qazaq ónerin, әdebiyetin, tarixyn osynday teatr festivali arqyly әlemge tanytu – bizding Preziydentimiz Núrsúltan Ábishúly Nazarbaev halqymyzdyng aldyna qoyghan manyzdy mindet – ruxany janghyrudyng bir kórinisi, dedi óz sózinde Qazaqstan Respublikasynyng Úlybritaniyadaghy elshisi Erlan Ydyrysov.

– Negizi elshi men emes, naghyz elshi – óner adamdary, muzykant, akter, sportshylar. Óitkeni, mәdeniyetimiz arqyly, sporttyq jetistikterimiz arqyly bizdi el tanidy, óner arqyly elding ruxany jandýniyesin jetkizetin, jýregin jetkizetin de osy әdebiyet, teatr túlghalary,a – dedi Erlan Ydyrysov.

Osy festivali ayasynda Dulat Isabekovtyng piesalar jinaghy aghylshyn tilinde jaryq kórdi. Myna alghashqy núsqasy dәl osy Britaniya parlamenti ghimaratynda London lordyna tabys etildi. Al Stokxauz teatrynda bastau alghan qazaq teatrynyng festivali endi bir apta boyy Brayduell teatrynda korey, aghylshyn akterlerining qatysuymen ótedi.

Jazushy Dulat Isabekov múnyng barlyghynyng tәuelsizdikting arqasy ekenin aituda. Sonymen qatar tanymal jazushy dәl qazir elimizde keninen qanat jayghan ruhany janghyru ýderisining de halyqty shynayy serpiltkenin, últtyq tarihymyzdy tynnan saralap, sana-sezimimizdi de qazaq elining ertenine ýlken senimmen qaraugha jetelep otyrghanyn sheteldikter aldynda tilge tiyek etti.

Abai.kz