Düysenbi, 16 Qırküyek 2019
Qwyılsın köşiñ 5361 12 pikir 19 Qaraşa, 2017 sağat 08:35

«Nwr Otan» köşi-qondı qolğa aldı!

                    

    

 Elge oralğan jäne şekaranıñ arğı betinde wltımızdıñ diasporası retinde ömir sürip jatqan qandastarımızğa jan-jaqtı qoldau körsetip, qol wşın beru birli-jarım qoğamdıq wyımdardıñ ğana aynalısatın şaruası emes, älbette. Ol turalı memleket basşısı da jii aytadı. Alayda, olardıñ elge qonıs audarıp, azamattıq alu, baspanalı bolıp, ortağa «siñu», jwmısqa ornalasıp, bilim alu jağdaylarında mäseleler de joq emes. Bwl memlekettik qwzırlı organdardan bastap, bükil el-jwrt bolıp qolğa alatın mañızdı jayt ekenin eskergen «Nwr Otan» atalğan mäselelerdiñ ärqaysına jeke toqtalıp, oğan atqaruşı bilik nazarın audartu, arada dialog ornatu maqsatında türli formattağı şaralardı wyımdastırudı dästürge aynaldıruda.

Mäselen, ötken jwma küni «Nwr Otan» partiyası Ortalıq apparatınıñ respublikalıq qoğamdıq qabıldau bölmesi jäne aymaqtıq filialdarınıñ qabıldau bölmelerinde QR Eñbek jäne halıqtı äleumettik qorğau ministrligi, İşki İster ministrligi, Sırtqı İster ministrligi, Auılşaruaşılığı ministrligi, Ädilet ministrligi jäne Astana men Almatı qalası, oblıs, qala, audan äkimdikteri men Köşi-qon policiyasınıñ qwrılımdıq bölimşelerin qatıstıra otırıp,  «Köş kölikti bolsın!» respublikalıq akciyası ötti.

Akciya atqaruşı biliktiñ köşi-qon sayasatına nazarın audartu, «Halıqtıñ köşi-qonı turalı» Zañı men özge de qaulılardıñ öz deñgeyinde atqarıluın qamtamasız etu maqsatında wyımdastırılğan. Azamattardıñ kün tärtibinde şeşilmey twrğan mäselelerin anıqtau jäne onı zañ ayasında şeşuge ıqpal etudi közdegen şaranı wyımdastıruşılar qandas-azamattardıñ basındağı jağdaylardı tıñday kele, mäselege jauaptı qwzırlı organ ökilderinen jauap aldı. Elimizdiñ köşi-qon sayasatın sapalı deñgeyge köterudi közdegen şara osımen ekinşi märte ötkizildi.

Akciyağa QR Parlamenti Mäjilisiniñ deputatı Bektwrğanov Erswltan, Düniejüzi qazaqtarı qauımdastığı törağasınıñ birinşi orınbasarı Zauıtbek Twrısbekov, sonday-aq,  qandastardıñ jağdayların ünemi nazarda wstap, olardıñ mäselelerin köterumen kele jatqan «Asar», «Otandas el», «Tarihi Atajwrt», «Jebeu», «Oralmandardı beyimdeu ortalığı»  qoğamdıq birlestikteriniñ ökilderi qatıstı.

Şaranı wyımdastıruşılar Täuelsizdik jıldarı elge oralıp, ökinişke qaray, äli künge deyin türli sebeptermen Qazaqstan Respublikasınıñ azamattığın ala almay jürgen qandastarımızdıñ sanı köptigin jäne solardıñ mäselesin şeşude atqaruşı bilikpen aşıq dialog qwru arqılı sol azamattardı qwjattandıru jayı közdeletinin ayttı. Onıñ işinde bastarı dauğa qalğan Jambıl oblısındağı 251 azamattıñ da jağdayı aytıldı. «Nwr Otan» partiyası Respublikalıq qoğamdıq qabıldau bölmesiniñ keñesşisi Auıt Mwqibek Jer Kodeksine engizilip jatqan özgeristerge baylanıstı eldi mekenderden on payız jerdi oralmandar üşin arnayı qorğa alıp qalu, QR Äkimşilik qwqıqbwzuşılıq turalı zañnamanı birinşi ret bwzğan qandastırımızdıñ, «Halıqtıñ köşi-qonı turalı» Zañına säykes, twraqtı tirkeuge twruğa mümkindigi bola twrıp, sotqa tartıluı jäne twraqtı tirkeuge twrudan bir jılğa şettetilui siyaqtı mäselelerdiñ äli künge deyin şeşimin tappay kele jatqandığına qatıstı mäseleni qwzırlı organ ökilderiniñ aldına aşıq qoydı.

«Baspana men jwmıspen qamtu mäseleleri şeşiledi!»

Şetelden oralatın qandastarımızğa elimizdiñ soltüstik öñirlerine ornalasu wsınısı jasalatını belgili. Alayda, şaruaşılıqqa qolaysız, köp rette infraqwrılımı damımağan nemese tildik ortası «qolaysız» aymaqtarğa olardıñ barğısı joq. Osı rette arnayı qabıldanğan memlekettik bağdarlama negizinde qazirdiñ özinde oñtüstiktiñ twrğındarı soltüstikke qonıs audarıp, işki köşi-qon bayau bolsa da, jürip jatqanı belgili. Düniejüzi qazaqtarı qauımdastığı törağasınıñ birinşi orınbasarı Zauıtbek Twrısbek işki köşi-qonmen birge sırttan keletin ağayındardı da eñbek etuge, käsipkerlikpen aynalısuğa, jalpı tirşilik etuge qolaylı soltüstik öñirlerge köşiru qajettigi turalı ayttı: «Kelgen ağayındı qonıstandıratın üyler salıp, äleumettik infraqwrılım jasau mäselesi Qwrıltayda köterilgendikten, soğan say bağdarlama da jasalıp jatır. Ortağa oralğan ağayındarğa büginigi küngi swranısqa  qajet mamandıqtardı igertu de qolğa alınıp jatır».

Qauımdastıq törağasınıñ birinşi orınbasarı eñbek resurstarı mol, halqı san jağınan azdau eldi mekenderdiñ basşılarımen aqıldasu şaralarınıñ qızu jürip jatqandığına, sonday-aq, Aqmola, Aqtöbe oblıstarınıñ äkimderimen pilottıq jobalar üşin  öñirlerden 200-300 gektardan zamanaui eldi mekender qwruğa kelisim jasalğanına toqtaldı.

Bolaşaqta qwrılatın eldi mekenderdiñ infraqwrılımdarı, äleumettik nısandar twrğızuda investorlardıñ tabılıp, şetelden oralğan qandastarımızben qosa, jergilikti azamattardı atalğan aymaqtarğa köşirgen jağdayda  eñbekpen qamtu mäselesiniñ şeşimin tabatının zor senimmen ayttı. Alayda, key memleketterden soltüstik öñirlerge köşip kelip, qonıstanatın qandastarımız üşin uaqıtşa tirkeuge twruğa belgilengen bes jwmıs küniniñ azdığı da atalğan aymaqtarda birqatar qiındıqtar tudırğan. Al, İşki İster ministrligi ökiliniñ sözine sensek, keler jıldıñ şilde ayınan bastap, elge kelgen qandastardı tirkeu şekaradan ötken bette jüzege asırılıp, bwnday keleñsizdikter joyılmaq.

Älemniñ qırıqqa juıq elindegi  bes million qazaqtıñ elge oraluındağı mäseleler, olardıñ elge kelgendegi ornalasu jağdayın tüzeu, tölqwjat, jer telimin beru, baspana beru siyaqtı mañızdı jayttardıñ bärin bir ğana qoğamdıq wyım äp-sätte şeşip tastauı mümkin emes. Sondıqtan, ministrlikterdiñ, jergilikti bilik ökilderiniñ qoldauı men birlesip jwmıs isteui -  şeteldegi qazaq diasporasınıñ müddesi üşin eñbek etuge tiis wlttıq jauapkerşilik.

Bilim aluğa qwqığı bar, biraq, qwjatı joq...

Elbası qwrıltay minberinde söylegen sözinde Ükimetke otandastarımızdıñ joğarı bilim aluın qoljetimdi etu üşin olarğa bölingen kvotanı 2 esege köbeytudi tapsırğan bolatın. Alayda, bügingi jiında  bilim kvotasın alğan jastardıñ birazı türli qiındıqtarğa tap bop jatqanı anıqtaldı. Ol elimizge bilim alu maqsatında kelip, grantpen oquğa tüsken wltı qazaq studentterdiñ joğarı oqu orındarınıñ  jataqhanasına zañ ayasında twraqtı tirkeuge twruğa mümkinidigi bola twra, twraqtı tirkeuge twra almauı.  «Asar» qoğamdıq birlestiginiñ törağası Qayrat Bodauhannıñ aytuınşa, bilim aluşılardıñ işinde qazaq-türik liceylerinde bilim alıp jatqan balalardıñ ata-analarına oqudı ayaqtağan merzimde bilim aluşı Qazaqstan Respublikasınıñ azamattığın alıp ülgermese, qolına oqudı ayaqtağanı turalı kuäliktiñ (attestat) berilmeytindigi jaylı eskertuler jasaluda eken. Alıs-jaqın şetelde ömir sürip jatqan qandastarımızdıñ jas buını qazirgi tañda ana tilinen, wlttıq salt-sanasınan alıstap bara jatqandığına alañdauşılıq bildirgen qoğam belsendisi jastardıñ tarihi otanına kelip bilim aluın qoldap, olardı alañdatıp otırğan osı mäselelerdi köpke sozbay şeşudi swradı.

Sonımen qatar, «Asar» qoğamdıq birlestiginiñ törağası Eñbek jäne halıqtı äleumettik qorğau ministrliginen  Moñğoliyadan kelgen azamattardıñ zeynetaqı mäselesiniñ şeşimin tappay jatqandığı,  biılğı jılğa oñtüstik aymaqtardan soltüstikke köşiru, yağni işki migraciyağa bölingen  qarajattıñ (85 mlrd. teñge!!!) qalay igerilip jatqandığı turalı esep beruin swradı. «Atalmış memlekettik bağdarlama ayasında 854 otbası ğana köşirilipti, - dedi Qayrat Bodauhan. Alayda, ministrlik ökilderi swraqtı jauapsız qaldırdı...

Auılşaruaşılığı-ekonomikanıñ drayveri boluı kerek. Alayda, bwl twsta jer mäselesi köteriledi. Jayılım jerleriniñ joqtığınan tığırıqta otırğan azamattar üşin bwl äli şeşimin tappağan mäsele bop qala bermek. Öytkeni akciya barısında malşaruaşılığımen aynalısatın oralman ağayın üşin jayılım jayına qatıstı swraqqa twşımdı jauap bolmadı.

Alayda, jiınğa interaktivti formatta qatısqan öñirler men qalalardağı köşi-qon jwmısımen aynalısatın ükimettik emes wyım ökilderiniñ birqatar  swraqtarı men ötinişterine ministrlikterdiñ ökilderi mäselelerdi zañdıq twrğıda şeşu joldarın qarastıruğa uäde berdi.

Törtkül düniege tarıday şaşılğan qandastarımız el täuelsizdigimen birge ortamızğa orala bastağanına da şirek ğasırdan astam uaqıt ötti. Şeteldegi qandas bauırlarımızdıñ tarihi Otanına köş tüzeuine qozğauşı küş bolğan Prezident Nwrswltan Nazarbaevtıñ alğaşqı Ündeui ekeni belgili. Sodan beri elimizge bir millionnan asa qandasımız qonıs audardı.

Zarina Ädilbek

Astana

Abai.kz

12 pikir