Jeksenbi, 19 Qañtar 2020
Betbwrıs 3004 16 pikir 20 Jeltoqsan, 2017 sağat 13:11

Deputattan jauap keldi. Bizdiñ wsınıstar qayta qaralatın boldı

Keşe aqın, qoğam qayratkeri, "Abai.kz" aqparattıq portalınıñ Astanadağı avtorı Auıt Mwqibek QR Mäjilis deputatı Käribay Mwsırman mırzağa üşbu hat joldap, qandastardıñ oralman märtebesin aluına qatıstı birqatar mäselelerdi qozğağan bolatın.

Mäjilis deputatı Käribay Imanjanwlı Mwsırman mırza «Qazaqstan Respublikasınıñ keybir zañnamalıq aktilerine halıqtıñ jwmıspen qamtıluı jäne köş-qon mäseleleri boyınşa özgerister men tolıqtırular engizu turalı»  Qazaqstan Respublikası Zañınıñ jobasın talqılauğa arnalğan Mäjilistegi Jwmıs tobın basqaradı.

Käribay Imanjanwlına qandastardıñ qınjılısı jazılğan hat "Abai.kz" aqparattıq portalında keşe jariya boldı. Al sol küni ,19-jeltoqsan küni keşki uaqıtta deputat mırza resmi jauap jazıptı.

Jauabında bizdiñ wsınıstarımız qayta qaralatının aytıptı. Bärekeldi! Biz de Käribay Imanjanwlınıñ jauabın nazarlarıñızğa wsınğandı jön kördik.


Qadirli Auıt Mwqibek!

Elbası biıl mausım ayında Astanada bolğan Düniejüzi qazaqtarı qauımdastığınıñ besinşi qwrıltayında Sırtqı ister ministrligine atajwrtqa köşkisi keletin qandastarımızdıñ qwjattarın olardıñ twrıp jatqan elderinde qamdap, Qazaqstanğa kelgende eşqanday qiınşılıq tudırmau turalı tapsırma bergeni öziñizge mälim. Biz osı mäseleni qaralıp otırğan zañ jobası arqılı zañdastırıp alsaq, elge oralam degen ağayınğa azamattıq aluda eş qiındıq bolmaydı dep oylaymın.

Al Siz aytqan wsınıstardı tiisti ministrlikterden naqtı derekter aldırıp, Öziñizdiñ qatısuıñızben tağı bir qaraytın bolamız. Öytkeni, Sizdiñ osığan deyin bergen wsınıstarıñızda da qanşa adamnıñ qanday sebeppen bir jıl işinde azamattıq aluğa qwjat tapsıra almay jürgendigi körsetilmegen.Al eki ministrlik ökilderiniñ pikirinşe, Qazaqstan azamattığın oñaylatılğan tärtippen alğısı kelgender bıltırdan beri eki-üş ayda qwjat jinap tapsırıp, alıp jatqan körinedi. Jalpı, bwl mäseleni Öziñizdiñ qatısuıñızben jan-jaqtı zertteuimiz kerek.

QR Parlamenti Mäjilisiniñ deputatı,
Jwmıs tobınıñ jetekşisi
Kəribay Mwsırman

"Abay.kz" aqparattıq portalına jazğan pikiri

Abai.kz

16 pikir