Düysenbi, 16 Qırküyek 2019
Jañalıqtar 2255 3 pikir 27 Jeltoqsan, 2017 sağat 13:52

Sayasattanuşı Erlan Sairov QR Käsipodaqtar federaciyası törağasınıñ orınbasarı bolıp tağayındaldı

Astanada QR Käsipodaqtar federaciyası Atqaru komitetiniñ kezekti otırısı ötti.

Otırısta wyımdastıru mäseleleri qaralğan jäne federaciya jarğısına säykes, tört oblıstağı aumaqtıq käsipodaqtar birlestikteriniñ törağaları saylanğan.

Osılayşa, işki kadrlıq auıs-tüyis ayasında sayasattanuşı Erlan Sairov QR Käsipodaqtar federaciyası törağasınıñ orınbasarı bolıp tağayındaldı.

Erlan Biahmetwlı Sairov 1970 jılı Şığıs Qazaqstan oblısında tuğan. Türli jıldarı QR Mädeniet, aqparat jäne qoğamdıq kelisim ministrliginde, QR Parlamenti Mäjilisinde basşılıq lauazımdardı atqarğan. «Mädeni damu institutı» qoğamdıq qorınıñ ğılımi jetekşisi, QR Käsipodaqtar federaciyası törağasınıñ keñesşisi bolğan.

Bwğan deyin törağa orınbasarı bolğan Gülnär Jwmageldieva QR Käsipodaqtar federaciyası törağasınıñ keñesşisi qızmetine auıstı.

Gülnär Amangeldiqızı 1974 jılı tuğan. E.Böketov atındağı Qarağandı memlekettik universitetiniñ zañ fakul'tetin  bitirgen. Eñbek jolın Temirtau qalasındağı  «Qarağandı oblısı boyınşa jıljımaytın mülik ortalığı» RMQK-de  zañger qızmetinen bastağan. Är jıldarı «BankTwranÄlem» AQ Qarağandı filialında kepildi mülik mamanı, Qarağandı oblısı ken-metallurgiya önerkäsibi qızmetkerleri käsipodağınıñ zañger-keñesşisi, «Qazaqstan Halıq banki» AQ Astana filialında zañ  böliminiñ jetekşi mamanı,  QR Käsipodaqtar Federaciyası Äleumettik-ekonomikalıq qorğau jäne eñbek inspekciyası departamentiniñ zañ keñesşisi, direktorı bolıp qızmet etken. 2010 jıldıñ mausımında QR Käsipodaqtar federaciyası törağasınıñ orınbasarı bolıp saylanğan. Onda jastar, genderlik sayasat, halıqaralıq jwmıstar, şağın jäne orta bizneste käsipodaqtı damıtu mäselelerine jetekşilik etken.

Soltüstik Qazaqstan oblısındağı aumaqtıq käsipodaqtar birlestiginiñ törağası lauazımına Erik Nwraqaev tağayındaldı.

Erik Esimwlı 1960 jılı Soltüstik Qazaqstan oblısında tuğan. Är jıldarı SQO Aqjar, Esil audandarınıñ äkimi, Petropavl qalasınıñ äkimi, «Nwr Otan» partiyasınıñ SQO filialınıñ jetekşisi, SQO äkiminiñ orınbasarı bolıp qızmet etken.

Aqmola oblısınıñ aumaqtıq käsipodaqtar birlestiginiñ törağası lauazımına Qali Rahmetov bekitildi.

Qali Swltanahmetwlı 1961 jılı Aqmola oblısınıñ düniege kelgen. Bwğan deyin Aqmola oblısı, Esil audanındağı salıq komitetinde jetekşilik lauazımdarda jwmıs istegen. Almatı qalasınıñ Salıq departamenti Bostandıq audanı boyınşa salıq basqarmasınıñ basşısı bolğan. Odan bölek, Aqmola oblısı äkiminiñ keñesşisi, Esil qalasınıñ äkimi bolğan.

Astana qalası boyınşa aumaqtıq käsipodaqtar birlestiginiñ törağası bolıp Tastanbek Esentaev tağayındaldı.

Tastanbek Qwtjanwlı 1960 jılı Batıs Qazaqstan oblısı Oral qalasında tuğan. Türli jıldarı Qarağandı oblısı Turizm, dene tärbiesi jäne sport basqarmasınıñ basşısı, QR Mädeniet jäne sport vice-ministri, QR Sport jäne dene tärbiesi agenttiginiñ törağası, QR Turizm jäne sport ministrligi Sport komitetiniñ törağası bolıp eñbek etken.

Jambıl oblısı boyınşa aumaqtıq käsipodaqtar birlestiginiñ törağası retinde Meyrambek Tölepbergen tağayındaldı.

Meyrambek Mıltıqbaywlı 1957 jılı Jambıl oblısınıñ Talas audanında düniege kelgen. Bügingi künge deyin respublikalıq «Jetisu», «Halıq keñesi», «Egemen Qazaqstan» basılımdarında jetekşilik qızmetter atqarıp, «Qazaqstan temir jolı» WK» AQ departament direktorı, Jambıl oblısı äkiminiñ orınbasarı bolğan.

Bwğan deyin Aqmola oblısınıñ aumaqtıq käsipodaqtar birlestiginiñ törağası bolğan K. Bekişev (1947 jılı tuğan); Soltüstik Qazaqstan oblısındağı aumaqtıq käsipodaqtar birlestiginiñ törağası D. Ahmetova (1954 jılı tuğan), Astana qalası boyınşa aumaqtıq käsipodaqtar birlestiginiñ törağası S. Mıñbaev (1952 jılı tuğan) zeynetkerlik jasqa toluına baylanıstı Atqaru komitetiniñ şeşimimen qızmetterinen bosatıldı. Jambıl oblısı boyınşa aumaqtıq käsipodaqtar birlestiginiñ törağası bolğan B.Saparbaeva özge jwmısqa auısuına baylanıstı qızmetten ketti.

Abai.kz

3 pikir