Jeksenbi, 25 Tamız 2019
Dep jatır 4239 9 pikir 29 Jeltoqsan, 2017 sağat 10:08

Äkimdi aytqanşa, auıldıñ jağdayın nege aytpadı?!

27 jeltoqsanda QR Parlamenti Senatınıñ deputatı,  Dariğa Nazarbaeva «Evrokopter Qazaqstan injiniring» zauıtına barğanda är äkimge bir-bir tikwşaqtan beru qajettigin aytqan bolatın.

Senator D.Nazarbaeva «Äkimder jağdayın aytqanşa, auıldıñ jağdayın aytıp, är auılğa ört söndirgiş, jedel-järdem kölikterin jäne qar tazalağış tehnika beru kerek» dep aytu kerek edi. Sebebi, wlttıq sana-sezim, ruhani baylıqtıñ qaynar közi - auıl mäselesin tübegeyli şeşpeyinşe, auıl halqınıñ äl-auqatın kötermeyinşe, Qazaqstan ekonomikası qarıştap dami almaydı.

2003-2006 jıldarı «Auıl jılı» dep jariyalanıp, "Körkeyse auıl – körkeyemiz bärimiz!" degen dañğaza wranmen jurnalister jarısa jazsa,  keybireuleri auılğa köñil bölgen bilikke raqmet dep olardı asıra maqtadı. Al əkim men ministrler auıldıñ tınıs-tirşiligin jaqsartuğa qıruar qarjı bölinip, köptegen is-şaralar atqarıldı dep  jalğan məlimetterin jaudırdı.

Auız toltıltırıp aytqandarımen əli künge deyin AUIL HALQINA EÑ QAJETTİ- qıs ayında qar tazalaytın tehnika, jazda otqa oranğan dala men örtengen üy-qoranı söndiretin «ört söndirgiş» kölik jəne jıl on eki ay boyı öte qajetti, tehnikalıq jağdayı dwrıs "jedel jərdem" köligi men oğan qwyar (tötenşe jağday kezinde) janar-jağarmay mülde berilmedi.

Auıldıq jerde qıs ayında qar jauıp, boran bolğan kezdegi tirşilik öte qiın. Ömir bolğasın ölim boladı. Al marqwm bolğan adamnıñ denesi uaqıtında jerge berilu kerek. Jer qazuğa qalıñ tüsken qar kedergi jasap, tipti məyitti auıldıñ şetindegi molağa jetkize almay qinalatınına talay kuə bolıp jürmiz.

Soñğı uaqıtta daladağı örti söndiru kezinde adamdar qaytıs boluı köbeyude, al tilsiz jaudan jıl sayın üy-qoralar jəne qısqa jinağan şöpteri jii örtenip, maldarı otqa oranuda.  Alıs jatqan  audan ortalığınan ört söndiruşi kölik auıl-aymaq arasındağı jaman jolmen jetkenşe üy-qoralar külge aynaladı. Köp auılda jedel jərdem kölikteri joq, al barlarınıñ əbden tozıqtarı jetken.

Onıñ üstine qorda (zapasta) saqtalatın benzini tağı bolmay auru adamdar qinaladı nemese salqın kölikte üsip-talıp audan nemese oblıs auruhanasına əzer jetedi. Özge auıl-aymaqtı bilmeymin, özimniñ tuğan jerim-BQO,QARATÖBE audanı, Qosköl auılında Keñes ükimeti twsında qar tazalaytını bar 22 dana K-700 traktorı bolğan. Damığan 30 eldiñ qatarına kiremiz, EKSPO ötkizdik, ekonomikamız mıqtı dep maqtanıp jürgen qazirgi uaqıtta 15 mıñday halqı, 9 auıldıq okrugi men 22 eldi mekeni  jəne 10 mıñ şarşı km aumağı bar qwt darığan  kieli Qaratöbe audanında jalğız ğana qar aşitın K-700 traktorı bar, onıñ özi de birde jüredi, birde bwzıladı.

Elimizdiñ ekonomikası şınayı jaqsı bolsa, wlttıñ bolmıs-bitimin saqtap otırğan, ruhani qaymağı bwzılmağan ər auılğa halıq müddesine öte qajetti ört söndirgiş, jedel jərdem jəne qar tazalağış tehnikalardı beru kerek. Sonda ğana, auıl halqı ükimetke şınayı riza bolar edi.

Talğat Qatauov

Oral qalası

Abai.kz

9 pikir