Düysenbi, 25 Mausım 2018
Jañalıqtar 1837 9 pikir 10 Qañtar, 2018 sağat 14:47

QMDB: Mektepke endi barğan qız oramal tağuğa mindetti emes

Qazaqstan mwsılmandarı dini basqarması mekteptegi qızdardıñ oramal tağu mäselesine qatıstı öz wstanımın mälimdeydi.

QMDB jamağat tarapınan kiim mäselesine qatıstı joldanğan swraqtarğa şariğat boyınşa, baliğat jasına tolğan mwsılman qızğa oramal tağu mindet ekenin mälimdeydi. Qazaqstan mwsılmandarı dini basqarması elimizdegi mwsılman qız-kelinşekter men äyelderdi kiim kiyu ülgisinde qazaq halqınıñ salt-dästürlerin saqtay otırıp, jinaqı kiinuge keñes beredi. Al paranja (niqab) kiyudiñ saltımızda bolmağan, basqa eldiñ ülgisi ekenin de erekşe atap ötkenimiz jön.

Islam şariğatında qız balanıñ baliğatqa toluın 9 jaspen şekteu dwrıs emes. Mwsılman ğalımdarı qız balalardıñ fiziologiyalıq erekşelikterine say, köpşiliktiñ jağdayın nazarğa ala otırıp, 15 jaspen şektegen.

Islam dini baliğat jasına tolmağan, sanası tolıq qalıptasıp ülgermegen, oramal tağudıñ tüpki mäni men mañızın, ükimin tüsinbeytin kişkentay qız balasına oramal tağudı mindettemeydi. Ärbir mwsılman qız bala oramaldıñ qadir-qasietin tereñ tüsinip, jauapkerşiligin sanalı türde sezinip, Allanıñ ämirin öz erkimen orındauı bastı maqsat. Mektep tabaldırığın endi ğana attağan büldirşindi jaulıq jabuğa mäjbürleuden bwrın oğan eñ äueli bilim men tärbie bergen abzal. Bwl – ata-ananıñ bastı mindeti.

Alla Tağala külli adamzat balasına imandı boludı äri bilim aludı ämir etken. Qwran Kärimniñ eñ alğaş tüsken ayatınıñ özi «Oqı!», degen bwyrıqpen bastaluı erekşe nazar audararlıq.

Sonday-aq Qwranda: «Rabbım, bilimimdi arttır!», («Taha» süresi, 114), «Biletinder men bilmeytinder birdey bola ma?» («Zumar» süresi, 9), «Alla Tağala senderdiñ aralarıñda iman keltirgender men boylarına bilim darıtqandardıñ därejelerin ösiredi» («Mujädälä» süresi, 11) dep ilim ieleriniñ märtebesiniñ joğarılığın atap ötken.

Ardaqtı Payğambarımız (Allanıñ salauatı men sälemi bolğay): «Bilim alu ärbir mwsılman er kisige de, äyelge de parız»,– dep bilim izdenudiñ äyelderge de tiisti ekenin aytqan.

Sondıqtan da, dinimizde mwsılman er kisi men äyelge bilim alu – mindet. Al mektep jasındağı balağa imandılıqqa baulıp, bilim üyretu – ärbir adamnıñ azamattıq äri mwsılmandıq borışı. Dini häm zayırlı bilim alu – jarqın bolaşaqtıñ kilti.

Bügingi zamannıñ üderisi elimizdiñ ärbir azamatı men lauazımdı twlğasına bilimdi, imandı, otanşıl wrpaq qalıptastırudı talap etude. Bwl – barşamızdıñ wlı borışımız, asıl mindetimiz.

Biz mwsılman jamağatı men ata-analardı oqu orındarınıñ mektep oquşılarınıñ kiim ülgisine qatıstı qoyılatın talaptarına tüsinistikpen jäne sabırlıqpen qarauğa şaqıramız. Bwl mäseleni uşıqtıru dwrıs emes. Öytkeni elimizde oramalğa tübegeyli tıyım salınbağanın tüsinuimiz kerek. Tek orta mektepterde kiim ülgisin birizdilikke tüsiru maqsatında şeşim qabıldanğan.

Konstituciyağa säykes, elimiz zayırlı memleket bolıp tabıladı, onda azamattardıñ ar-ojdan bostandığına erkindik berilgen. Sonımen qatar, «Dini qızmet jäne dini birlestikter turalı» Zañda dini birlestikterdiñ memlekettiñ qızmetine aralaspaytını körsetilgen. Atalğan Zañda elimizdegi bilim beru jäne tärbieleu jüyesi din men dini birlestikterden bölingendigi jäne zayırlı sipatta bolatındığı aytılğan.

Dindar azamattar qoğamnan bölek ömir sürmeydi. Dinimizdegi boywsınu – negizgi mindetterdiñ biri. Sondıqtan mwsılmandar zañğa qwrmetpen qarauı tiis.

Elimizdiñ zañnamaları bizge balalarımızdıñ orta bilim aluın qamtamasız etuimizdi mindetteydi. Bilimsizdik bülikke bastaytının wmıtpayıq. Sondıqtan qız balanıñ tolıqqandı zayırlı bilim aluın ata-anaları elimizdiñ zañnaması talaptarı şeñberinde qamtamasız etkenderi jön.

Alla Tağaladan elimizdi türli bülikten saqtauın tileymiz. Halqımızdıñ birligi men berekesi arta bergey!

Qazaqstan Mwsılmandarınıñ Dini basqarması

Abai.kz

9 pikir