Qazaqstan músylmandary diny basqarmasy mekteptegi qyzdardyng oramal taghu mәselesine qatysty óz ústanymyn mәlimdeydi.

QMDB jamaghat tarapynan kiyim mәselesine qatysty joldanghan súraqtargha sharighat boyynsha, balighat jasyna tolghan músylman qyzgha oramal taghu mindet ekenin mәlimdeydi. Qazaqstan músylmandary diny basqarmasy elimizdegi músylman qyz-kelinshekter men әielderdi kiyim kii ýlgisinde qazaq halqynyng salt-dәstýrlerin saqtay otyryp, jinaqy kiyinuge kenes beredi. Al paranja (niqab) kiiding saltymyzda bolmaghan, basqa elding ýlgisi ekenin de erekshe atap ótkenimiz jón.

Islam sharighatynda qyz balanyng balighatqa toluyn 9 jaspen shekteu dúrys emes. Músylman ghalymdary qyz balalardyng fiziologiyalyq erekshelikterine say, kópshilikting jaghdayyn nazargha ala otyryp, 15 jaspen shektegen.

Islam dini balighat jasyna tolmaghan, sanasy tolyq qalyptasyp ýlgermegen, oramal taghudyng týpki mәni men manyzyn, ýkimin týsinbeytin kishkentay qyz balasyna oramal taghudy mindettemeydi. Árbir músylman qyz bala oramaldyng qadir-qasiyetin tereng týsinip, jauapkershiligin sanaly týrde sezinip, Allanyng әmirin óz erkimen oryndauy basty maqsat. Mektep tabaldyryghyn endi ghana attaghan býldirshindi jaulyq jabugha mәjbýrleuden búryn oghan eng әueli bilim men tәrbie bergen abzal. Búl – ata-ananyng basty mindeti.

Alla Taghala kýlli adamzat balasyna imandy boludy әri bilim aludy әmir etken. Qúran Kәrimning eng alghash týsken ayatynyng ózi «Oqy!», degen búiryqpen bastaluy erekshe nazar audararlyq.

Sonday-aq Qúranda: «Rabbym, bilimimdi arttyr!», («Taha» sýresi, 114), «Biletinder men bilmeytinder birdey bola ma?» («Zumar» sýresi, 9), «Alla Taghala senderding aralarynda iman keltirgender men boylaryna bilim darytqandardyng dәrejelerin ósiredi» («Mujәdәlә» sýresi, 11) dep ilim iyelerining mәrtebesining jogharylyghyn atap ótken.

Ardaqty Payghambarymyz (Allanyng salauaty men sәlemi bolghay): «Bilim alu әrbir músylman er kisige de, әielge de paryz»,– dep bilim izdenuding әielderge de tiyisti ekenin aitqan.

Sondyqtan da, dinimizde músylman er kisi men әielge bilim alu – mindet. Al mektep jasyndaghy balagha imandylyqqa baulyp, bilim ýiretu – әrbir adamnyng azamattyq әri músylmandyq boryshy. Diny hәm zayyrly bilim alu – jarqyn bolashaqtyng kilti.

Býgingi zamannyng ýderisi elimizding әrbir azamaty men lauazymdy túlghasyna bilimdi, imandy, otanshyl úrpaq qalyptastyrudy talap etude. Búl – barshamyzdyng úly boryshymyz, asyl mindetimiz.

Biz músylman jamaghaty men ata-analardy oqu oryndarynyng mektep oqushylarynyng kiyim ýlgisine qatysty qoyylatyn talaptaryna týsinistikpen jәne sabyrlyqpen qaraugha shaqyramyz. Búl mәseleni ushyqtyru dúrys emes. Óitkeni elimizde oramalgha týbegeyli tyiym salynbaghanyn týsinuimiz kerek. Tek orta mektepterde kiyim ýlgisin birizdilikke týsiru maqsatynda sheshim qabyldanghan.

Konstitusiyagha sәikes, elimiz zayyrly memleket bolyp tabylady, onda azamattardyng ar-ojdan bostandyghyna erkindik berilgen. Sonymen qatar, «Diny qyzmet jәne diny birlestikter turaly» Zanda diny birlestikterding memleketting qyzmetine aralaspaytyny kórsetilgen. Atalghan Zanda elimizdegi bilim beru jәne tәrbiyeleu jýiesi din men diny birlestikterden bólingendigi jәne zayyrly sipatta bolatyndyghy aitylghan.

Dindar azamattar qoghamnan bólek ómir sýrmeydi. Dinimizdegi boyúsynu – negizgi mindetterding biri. Sondyqtan músylmandar zangha qúrmetpen qarauy tiyis.

Elimizding zannamalary bizge balalarymyzdyng orta bilim aluyn qamtamasyz etuimizdi mindetteydi. Bilimsizdik býlikke bastaytynyn úmytpayyq. Sondyqtan qyz balanyng tolyqqandy zayyrly bilim aluyn ata-analary elimizding zannamasy talaptary shenberinde qamtamasyz etkenderi jón.

Alla Taghaladan elimizdi týrli býlikten saqtauyn tileymiz. Halqymyzdyng birligi men berekesi arta bergey!

Qazaqstan Músylmandarynyng Diny basqarmasy

Abai.kz