Düysenbi, 25 Mausım 2018
Aymaqtar 1512 29 pikir 10 Qañtar, 2018 sağat 17:48

Mwhtar Qwl-Mwhammed: Elbası Joldauındağı basım bağıttardı jüzege asıruda Almatı oblısınıñ äleueti zor

Almatı oblısı Qarasay audanındağı «A Product» JŞS 150-den astam konditerlik önim türlerin şığaradı. Bwl turalı bügin «Nwr Otan» partiyası Törağasınıñ Birinşi orınbasarı Mwhtar Qwl-Mwhammedtiñ öñirge jasağan saparı barısında belgili boldı.

«Törtinşi önerkäsiptik revolyuciya jağdayındağı damudıñ jaña mümkindikteri» attı Joldau el damuınıñ bağıt-bağdarın ayqındap bergen mañızdı qwjat. Sondıqtan da Mwhtar Qwl-Mwhammed Joldauda aytılğan negizgi mindetterdi jüzege asıruda oblıstıñ mümkindigine erekşe nazar audardı. Sonıñ işinde agrarlıq sayasatqa, eñbek önimdiligin tübegeyli arttıruğa jäne öndelgen önimniñ eksportın wlğaytuğa bağıttalğan Joldaudağı üşinşi mindetke ayrıqşa män berildi. Soğan oray partiya Törağasınıñ Birinşi orınbasarı konditerlik önimder şığaratın «Almatılıq önim» («A Product») käsipornına bardı.

Käsiporınnıñ öndiristik quatı jılına 13 mıñ tonna dayın önim şığaruğa eseptelgen. Eñ bastı erekşeligi retinde qajetti şikizattardıñ jüz payızğa juığı otandıq önimder ekenin aytuğa boladı. Sonıñ işinde wn, may, qant siyaqtı konditerlik önimderge qajetti negizgi şikizattar jergilikti şarualardıñ önimderi. Bwl öz kezeginde öñirdegi auıl şaruaşılığınıñ damuına ülken ülesin qosıp otır.

Tättiler şığaratın käsiporınğa arnayı at basın bwrğan Mwhtar Qwl-Mwhammed öndiris ornınıñ tehnologiyalıq üderisimen jäne iske qosıluğa dayın jaña jeliniñ jwmısımen tanıstı. Osı rette partiya Törağasınıñ Birinşi orınbasarı öndiriske jaña tehnologiyanı engizu arqılı Elbasımızdıñ aldımızğa qoyğan barlıq mindetin sätti jüzege asıruğa, sonıñ işinde öndelgen auılşaruaşılıq önimderiniñ eksportın 2,5 esege arttıruğa mol mümkindikter tuatının atap ötti.

– Elbasımız öziniñ bügingi Joldauında el ekonomikasın damıtudıñ basım 10 bağıtın körsetip berdi. Sonıñ üşinşi bağıtı auıl şaruaşılığı önimderin öndeuge arnalğan. Qazaqstannıñ astıqtı el ekenin, jıl sayın milliardtağan pwt astıq öndiretinin, wn şığaratının barlığı biledi. Biraq biz endigi kezde dayın astıqtı ğana eksportap qoymay, onı osı zamanğı tehnologiyağa say öndep, wn önimderin şığaratın käsiporındardı köbirek aşuımız kerek. Däl mına biz twrğan käsiporın büginde öz önimderin Qazaqstannıñ barlıq oblıstarımen qatar Reseydiñ 13 iri qalasına, Germaniyağa, bükil Ortalıq Aziyadağı elderge jäne Belarus'qa şığarıp otır. Mine, eksportqa arnalğan önim şığaratın käsiporındar osınday bolu kerek dep esepteymin, – dedi «Nwr Otan» partiyası Törağasınıñ Birinşi orınbasarı Mwhtar Qwl-Mwhammed.

Sonımen qatar, partiya Törağasınıñ Birinşi orınbasarı oblıs äkimi Amandıq Batalovpen birge banki, qwtı siyaqtı şını bwyımdar şığaratın «Almatı-Steklo» JŞS-da boldı. Odan bölek, «Ruhani jañğıru» bağdarlaması ayasında salınıp, 2017 jıldıñ qırküyek ayında paydalanuğa berilgen «Batır babalar» memorialdı keşeni men Şamalğan auılında jañadan aşılğan Elbası, Qazaqstan Respublikası Twñğış Prezidentiniñ «Atameken» tarihi-mädeni ortalığında boldı.

Sapar soñında Mwhtar Qwl-Mwhammed «Nwr Otan» partiyasınıñ oblıstıq, audandıq, qalalıq filialdarı men bastauış partiya wyımdarına Elbası Joldauındağı barlıq basım bağıttıñ jüzege asırıluın qatañ baqılauğa aludı jäne bwl mañızdı qwjattıñ mäni men mağınasın Almatı oblısınıñ ärbir twrğınına tüsindiru jümıstarın jüyeli türde jürgizudi tapsırdı.

Abai.kz

29 pikir