الماتى وبلىسى قاراساي اۋدانىنداعى «A Product» جشس 150-دەن استام كونديتەرلىك ءونىم تۇرلەرىن شىعارادى. بۇل تۋرالى بۇگىن «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەدتىڭ وڭىرگە جاساعان ساپارى بارىسىندا بەلگىلى بولدى.

«ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋ ەل دامۋىنىڭ باعىت-باعدارىن ايقىنداپ بەرگەن ماڭىزدى قۇجات. سوندىقتان دا مۇحتار قۇل-مۇحاممەد جولداۋدا ايتىلعان نەگىزگى مىندەتتەردى جۇزەگە اسىرۋدا وبلىستىڭ مۇمكىندىگىنە ەرەكشە نازار اۋداردى. سونىڭ ىشىندە اگرارلىق ساياساتقا، ەڭبەك ونىمدىلىگىن تۇبەگەيلى ارتتىرۋعا جانە وندەلگەن ءونىمنىڭ ەكسپورتىن ۇلعايتۋعا باعىتتالعان جولداۋداعى ءۇشىنشى مىندەتكە ايرىقشا ءمان بەرىلدى. سوعان وراي پارتيا توراعاسىنىڭ ءبىرىنشى ورىنباسارى كونديتەرلىك ونىمدەر شىعاراتىن «الماتىلىق ءونىم» («A Product») كاسىپورنىنا باردى.

كاسىپورىننىڭ وندىرىستىك قۋاتى جىلىنا 13 مىڭ توننا دايىن ءونىم شىعارۋعا ەسەپتەلگەن. ەڭ باستى ەرەكشەلىگى رەتىندە قاجەتتى شيكىزاتتاردىڭ ءجۇز پايىزعا جۋىعى وتاندىق ونىمدەر ەكەنىن ايتۋعا بولادى. سونىڭ ىشىندە ۇن، ماي، قانت سياقتى كونديتەرلىك ونىمدەرگە قاجەتتى نەگىزگى شيكىزاتتار جەرگىلىكتى شارۋالاردىڭ ونىمدەرى. بۇل ءوز كەزەگىندە وڭىردەگى اۋىل شارۋاشىلىعىنىڭ دامۋىنا ۇلكەن ۇلەسىن قوسىپ وتىر.

تاتتىلەر شىعاراتىن كاسىپورىنعا ارنايى ات باسىن بۇرعان مۇحتار قۇل-مۇحاممەد ءوندىرىس ورنىنىڭ تەحنولوگيالىق ۇدەرىسىمەن جانە ىسكە قوسىلۋعا دايىن جاڭا جەلىنىڭ جۇمىسىمەن تانىستى. وسى رەتتە پارتيا توراعاسىنىڭ ءبىرىنشى ورىنباسارى وندىرىسكە جاڭا تەحنولوگيانى ەنگىزۋ ارقىلى ەلباسىمىزدىڭ الدىمىزعا قويعان بارلىق مىندەتىن ءساتتى جۇزەگە اسىرۋعا، سونىڭ ىشىندە وندەلگەن اۋىلشارۋاشىلىق ونىمدەرىنىڭ ەكسپورتىن 2,5 ەسەگە ارتتىرۋعا مول مۇمكىندىكتەر تۋاتىنىن اتاپ ءوتتى.

– ەلباسىمىز ءوزىنىڭ بۇگىنگى جولداۋىندا ەل ەكونوميكاسىن دامىتۋدىڭ باسىم 10 باعىتىن كورسەتىپ بەردى. سونىڭ ءۇشىنشى باعىتى اۋىل شارۋاشىلىعى ونىمدەرىن وندەۋگە ارنالعان. قازاقستاننىڭ استىقتى ەل ەكەنىن، جىل سايىن ميللياردتاعان پۇت استىق وندىرەتىنىن، ۇن شىعاراتىنىن بارلىعى بىلەدى. بىراق ءبىز ەندىگى كەزدە دايىن استىقتى عانا ەكسپورتاپ قويماي، ونى وسى زامانعى تەحنولوگياعا ساي وندەپ، ۇن ونىمدەرىن شىعاراتىن كاسىپورىنداردى كوبىرەك اشۋىمىز كەرەك. ءدال مىنا ءبىز تۇرعان كاسىپورىن بۇگىندە ءوز ونىمدەرىن قازاقستاننىڭ بارلىق وبلىستارىمەن قاتار رەسەيدىڭ 13 ءىرى قالاسىنا، گەرمانياعا، بۇكىل ورتالىق ازياداعى ەلدەرگە جانە بەلارۋسقا شىعارىپ وتىر. مىنە، ەكسپورتقا ارنالعان ءونىم شىعاراتىن كاسىپورىندار وسىنداي بولۋ كەرەك دەپ ەسەپتەيمىن, – دەدى «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد.

سونىمەن قاتار، پارتيا توراعاسىنىڭ ءبىرىنشى ورىنباسارى وبلىس اكىمى اماندىق باتالوۆپەن بىرگە بانكى، قۇتى سياقتى شىنى بۇيىمدار شىعاراتىن «الماتى-ستەكلو» جشس-دا بولدى. ودان بولەك، «رۋحاني جاڭعىرۋ» باعدارلاماسى اياسىندا سالىنىپ، 2017 جىلدىڭ قىركۇيەك ايىندا پايدالانۋعا بەرىلگەن «باتىر بابالار» مەموريالدى كەشەنى مەن شامالعان اۋىلىندا جاڭادان اشىلعان ەلباسى، قازاقستان رەسپۋبليكاسى تۇڭعىش پرەزيدەنتىنىڭ «اتامەكەن» تاريحي-مادەني ورتالىعىندا بولدى.

ساپار سوڭىندا مۇحتار قۇل-مۇحاممەد «نۇر وتان» پارتياسىنىڭ وبلىستىق، اۋداندىق، قالالىق فيليالدارى مەن باستاۋىش پارتيا ۇيىمدارىنا ەلباسى جولداۋىنداعى بارلىق باسىم باعىتتىڭ جۇزەگە اسىرىلۋىن قاتاڭ باقىلاۋعا الۋدى جانە بۇل ماڭىزدى قۇجاتتىڭ ءمانى مەن ماعىناسىن الماتى وبلىسىنىڭ ءاربىر تۇرعىنىنا ءتۇسىندىرۋ ءجۇمىستارىن جۇيەلى تۇردە جۇرگىزۋدى تاپسىردى.

Abai.kz