Qyrghyz-ózbek shekarasynda jýzdegen adam kezekte túr
Qyrghyzstannyng Ózbekstanmen shekarasyndaghy «Dostuk» keden beketinde taghy kezek payda boldy. Azattyqtyng Qyrghyz redaksiyasy tilshisining esepteuinshe, bekette bir jarym myngha tarta adam shekaradan ótuge kezekte túr. Shekarashylar egde kisiler men ayaghy auyr әielderdi kezeksiz ótkizip jatyr.
Qyrghyzstan Memlekettik shekara qyzmeti Ózbekstanmen shekaradaghy kezek eki el arasynda sauda-sattyq kólemi artqandyqtan kóbeygenin aitady. «Qyrghyzstan men Ózbekstan jaghynda birdey kezek bar. Ara-túra, negizinen tanerteng jәne týs uaqytynda, bazar bolatyn kezde osynday adam men kólik qarasy kóbeyedi» dedi shekara qyzmeti.
Memlekettik shekara qyzmetining mәlimetinshe, «Dostuk» beketinde qosymsha shekarada tekseru kabinalary júmys isteydi. 2018 jyly 15 qantardan bastap Qyrghyzstangha kireberiste jәne shyghaberiste 10 kabina pasport teksere bastady. Shekaradan ótetin adam sany 1,7 payyzgha (tәuligine 7 myng adamnan astam) úlghayghan. Tayauda taghy tórt kabina ornatu josparlanyp otyr.
2017 jyly qyrkýiekte Ózbekstan Qyrghyzstanmen shekaradaghy shekteudi joyghan. Eki el azamattary jeti jyl boyy kórshi eldegi tuystaryna bara almay jәne sauda jasay almay qalghan edi.
Abai.kz
