Dýisenbi, 20 Qyrkýiek 2021
Kórshining kólenkesi 18674 39 pikir 1 Nauryz, 2018 saghat 09:21

Chjan Hanihuey myrzanyng elshilik qyzmetinen merziminen búryn ketuin talap etemiz!

Qytay Halyq Respubliksy

 Tóraghasy Sy Szinipin myrzagha

Qazaqstan Respublikasy

 Syrtqy ister ministri

Q.Q. Ábdirahmanovqa

Qazaqstan azamattary atynan

 

AShYQ HAT

Qazaqstan men Qytay ejelden kórshi, dos el. Qytay Qazaqstan Tәuelsizdigin alghan kezde, sol tәuelsizdikti alghashqylardyng biri bolyp moyyndap,  diplomatiyalyq baylanys ornatqan memleket.

Sol shynayy dostyq pen qarym-qatynastyng arqasynda eki elding de ekonomikasy qaryshtap damydy, shegarasy bekidi. Ásirese, eki elde bólinip qalghan etnikalyq qazqtardyng barys-kelisi jiyilep, әlemdik zannamalar ayasynda kóshi-qon sayasaty jolgha qoyyldy.

Ókinishke oray, sol songhy bir-eki jyldyng kóleminde Qytaydyng Shynjang ólkesinde túratyn etnikalyq qazaqtardyng sayasy qysymgha úshyrauy bizding kónilimizge qatty qayau týsirdi . Naqtylap aitsaq, arghy bettegi tuys-tughanmen barys-kelisti bylay qoyyp, telefon arqyly sóilesuding ózi múng bolyp otyr. Baylanys týgel ýzildi...

Múnday jaghdayda, osy eldegi halyqtyng aryz-armanyn tyndap, eki el basshylaryna jetkizetin, ózi elshilik qyzmetin ótep jatqan elding sayasy jaghdayy men túraqtylyghy turaly memleket basshysyna dúrys aqparat jetkizetin, sóitip, úzaqtan beri jalghasyp kele jatqan dostyqtyng altyn arqauyn odan ary bekemdey týsetin elshiler ekeni belgili.

Jasyratyny joq, Qytay Halyq Respublikasynyng Qazaqstandaghy Tótenshe jәne ókiletti elshisi  Chjan Hanihuey myrza búl missiyasyn orynday alghan joq. Kerisinshe, búzdy!

Atap aitar bolsaq:

1. Chjan Hanihoy 2016 jyly Astanada BAQ ókilderimen kezdesude Qytay men Qazaqstan arasyndaghy vizalyq rejim sayasatyna qatysty pikirin bildirip, qazaq biyligining әreketin syngha aldy. Nәtiyjesinde, «Qazaqstan men Qytay arasynda qalyptasqan dostyq baylanystardy, sonday-aq QR-daghy QHR Elshiligining diplomattarynyng tuystary QR-na sapar jasau ýshin qolayly jaghdaylar qúru mýmkindigin qarastyru turaly ótinishin jәne ózara senimdilik pen ózara týsinistikti nyghaytudy eskere otyryp, osy túlghalar sanatyna konsuldyq alymsyz Qazaqstanda әrbir kirude 90 kýnge deyin bolu qúqyghyn beretin «V2» qyzmettik vizalaryn rәsimdeu turaly sheshim qabyldanghan eken (QR Salyq kodeksi, 553 b.). Al, kerisinshe, Qytaydyng qazaqstandyqtargha viza berudi shektegeni belgili bolyp otyr. Qazaqstan tarapymen qabyldanyp jatqan ong qadamdargha qaramastan, Qytay tarapy 2016 jylghy 1 aqpanda qazaqstandyq azamattar ýshin jeke turistik (turistik top 5 nemese odan kóp adamnan qúraluy tiyis) jәne iskerlik vizalardy rәsimdeude shekteulerdi bir jaqty engizgen. Qysqasy, Chjan Hanihuey myrza ózining diplomatiyalyq qyzmette sauatsyzdyghyn kórsetip, kýlkige qalghan. Keng peyildi, dostyqqa adal Úly Dala eli Qytay Elshisining búl ausarsoqtyghyna tiksine qaraghan bolatyn. Sol basqosuda qyzdy-qyzdymen «Olar (Qazaqstan biyligi – red.) kimmen betpe-bet kelip otyrghandaryn bile me?» dep dauys kóterip, qoqan-loqy kórsetkenin býkil dýniyejýzi estidi.

Esinizde bolsyn, Qazaqstan – Qazaqstan bolghaly әlemning eng ýlken derjavasy sanalatyn AQSh-tyng ózi bizding Otanymyzgha búlay bir auyz qatty sóz aityp kórgen emes. Batystaghy alyp kórshimiz Resey de solay. Últ Kóshbasshysy Núrsúltan Nazarbaev dýniyening qay týkpirine barsa, zor qúrmetpen qarsy alynady. Tipti, Hanchjou qalasynda ótken G-20 Sammiytine Núrsúltan Nazarbaev Sy Szinipin myrzanyng erekshe qonaghy bolyp qatysqan joq pa?!

2. Biz Qytayda tútqygha týsken etnikalyq qazaqtardyng osynda bólinip qalghan tuystarynyng mәselesin kóterip birneshe mәrte baspasóz mәslihatyn ótkizdik. Myndaghan adamnyng ótinishin jiyp, Qytay Elshiligine tapsyrdyq. Mine, ýsh aidyng jýzi boldy, Chjan Hanihuey myrza sonyng bireuine әli qanaghattandyrarlyq jauap bergen joq. Esesine, Elshi myrza Qytaydyng shetelge baghyttalghan diaspora sayasatyn oryndaudan arygha asa alghan joq. Shynjang ólkesinde dinge qarsy ashyq kýres jýrip, qúran kitaptar men jaynamazdar órtelip, namaz oqugha tiym salynyp jatqanda Chjan, Almatyda shetten kelgen qazaqtardy jiyp alyp, músylmandardyng Oraza ait merekesine aspa-tók dastarqan jayyp, toylap beredi. Búl ne qylghan «sayasat»? Músylmandardy mazaqtau ma, әlde eki jýzdilik pe?! Sóitip, Qazaqstangha Qytaydan kóship kelgen qazaqty ekige bólip, arazdyq tudyruda;

3. Qazaqstan men Qytay arasyndaghy diplomatiyalyq qarym-qatynas 1992 jylydyng 3 qantarynan beri ornapty. Sodan beri Qytaydyng qanshama Tótenshe jәne ókiletti elshisi Elimizge kelip qyzmet atqardy, tәp osy Chjan Hanihuey elshi bolghan kezdegidey eki elding arasyndaghy etnikalyq qazaqtyng qúqyghy taptalghan joq jәne mәselesi ushyqqan emes...

Qysqasy, Chjan Hanihuey myrza elshi boludan góri eges tudyrghysy kelip túratyn adam sekildi.

Sondyqtan biz eki elding Úly Dostyghy men strategiyalyq barys-kelisi búrynghyday bayandy boluy ýshin, Qytay Halyq Respublikasynyng Qazaqstandaghy Tótenshe jәne ókiletti elshisi  Chjan Hanihuey myrzanyng Elimizdegi Elshilik qyzmetinen merziminen búryn ketuin qatang talap etemiz!

Sonday-aq, QR Syrtqy ister ministri Q.Q. Ábdirahmanov myrzadan bizding osy qatang talabymyzdy QHR Tóraghasy Sy Szinipin myrzagha jetkizudi ótinemiz!

Qúrmetpen:

Jarqynbek Júmadan

Rizaman Ahmet

Qojamqúl Aybýbi

Ajybek Oraz

Abai.kz

39 pikir