Jwma, 29 Mamır 2020
COVID-19 QAZAQSTANDA. Jwqtırğandar — 9932. Jazılğandar — 5057. Qaytıs bolğandar — 37
1593 0 pikir 5 Naurız, 2018 sağat 09:18

Slovakiyada jurnalist ölimi bilikti tığırıqqa tiredi

AppleMark

Slovakiya prezidenti Andrey Kiska jurnalist YAn Kuciaktıñ öliminen keyin, bilikte bolıp jatqan dağdarısqa baylanıstı ükimet qwramın özgertudi ne merziminen bwrın parlament saylauın ötkizudi talap etti. Ol bwl mälimdemesin teledidar arqılı joldadı.

Prezident Slovakiya ükimetin "zor kökirek" dep ayıptadı. Ol biliktiñ halıqqa senimin qalpına keltiru üşin, ükimettiñ qanday sayasi şeşimder qabıldaytının bir apta kütkenin jetkizdi. Biraq ol eşqanday wsınıstar estimegen. "Keybiri otstavkağa ketti, biraq men halıq senimin tuğızatın eşqanday jospar körip twrğan joqpın", - dep atap ötti prezident.

Jurnalist YAn Kuciaktı 25 aqpanda qwrbısımen birge Bratislavadan 65 şaqırım jerdegi üyinde öltirip ketken. Bir aptadan keyin Slovakiyanıñ mädeniet ministri Marek Madariç otstavkağa ketti. "Men mädeniet ministri retinde, jurnalisti öltirip jatqanda, qarap otıra almaymın", – dep mälimdegen Madariç.

Jurnalistiñ öliminiñ sebebi äli anıqtalmadı. Biraq onıñ äriptesteriniñ sözderine qarağanda, YAn Kuciaktı käsibi qızmetine baylanıstı öltirgen. Jurnalist italiyalıq mafiyanıñ Slovakiya ükimetine ıqpalın zerttegen. Atap aytqanda, ol prem'er-ministr Robert Ficonıñ mañayındağı adamdardıñ mafiyalıq topqa jatatın italiyalıq käsipkerlermen tığız baylanısta ekenin aşqan.

Abai.kz

0 pikir