Seysenbi, 18 Qırküyek 2018
Arılu 1484 5 pikir 9 Naurız, 2018 sağat 12:51

Bir kündik qwremttiñ "qadiri"

Köktem sayın qazaq qoğamında qos taqırıp qay­ıra köterilip, qoyırtpaqtanadı da jatadı. Birinşisi, 14 aq­pan - «äu­lie Valentin küni», ekinşisi, 8 naurız - Halıq­ara­lıq äyelder küni. Şıntuaytına kelgende, bwl at­al­ğan qos meyramnıñ da tarihı jetisip twrğan joq. Onıñ üstine ekeui de qazaqqa jat, zorlıqpen ta­ñıl­ğan datalar. Orıstildi nemese orısqol qazaq ba­u­ır­larım, ärine, keñirdekterin sozıp, uäj ayta ja­t­ar, biraq, bäribir, bäriniki bos söz, qwr qoqan-loqqı...
«Wra berseñ, saytan da öledi» demekşi, äulieniñ küni küñgirttene bastağan sıñaylı, tek basına orıs­şıl­dıq ötip ketip, jüregine qara daq salğan topalañ to­bır ğana 14 aqpanda qoldarına jürektiñ sureti sa­lınğan titimdey otkrıtkaların wstap, alaqtap jüredi...
Eñ qiındauı, 8 naurızdıñ näubeti bolıp twr. Ağa buın ayıqpastay ulanıp, orta buın oñbay omaqasqan, tipti, jas buınnıñ buınına tüsip ketken Äyelder küni, bir qarağanda, ziyan-zobalañnan ada, jaymaşuaq köktemniñ köñildi betaşarı sekildi. Dey twrğanmen, 8 naurızdıñ tarihı da taramıstanıp jatır.
Tek, anağa degen qwrmet qana qazaqtıñ tilin kürmeltip, ekpinin eñseletip otır.
Negizi, 8 naurız - gül satuşılardıñ nağız meyra­mı. Sirä, osı biznestiñ ökilderi osı bir-aq künde bir jıldıq qorın jinap alatın şığar. Qwrban ayt­ında qoy saudalauşılar o dünieniñ sauabınan göri, bw dünieniñ qalauına jeñilip jatsa, 8 naurızda gül satuşılardıñ qwdayı berip qaladı. Qızğanış joq, eñbek etken eselep jesin, biraq, tağı da wyat pen imandı attap ketetinimiz qalay?!. Qaltası jwqa bir-aq tal gül alğanğa alara qarap, qaltası men qar­nı qampiıp, birneşe kärziñke gül şoğırların saudalağannıñ aldında qwrday jorğalaytınımız qalay?..
«Meyramnıñ tarihı» demekşi, 8 naurız turalı oyın bildirgen belgili telejurnalist Serik ABAS-ŞAH ağamız kögildirler men erkekşoralardıñ oyları men qoldarınan şıqqan zattardı erkin qoldana beruge şaqırıptı. Meniñşe, «spornıy vopros»...
Dausız mäsele, 8 naurız jaylı qazaq qoğamında birjaqtı twjırım joq.
Bir kündik qwrmettiñ «qadiri» qalay bayandı bolsın!
Ayaulı ana men ardaqtı aru kün sayın, sät sayın qwrmetke layıq.
Qajımwqan Ğabdolla
Abai.kz
5 pikir