Jeksenbi, 24 Mausım 2018
Süyinşi! 2772 40 pikir 12 Naurız, 2018 sağat 14:00

Wlıqbek Esdäulet Jazuşılar Odağınıñ törağası bolıp saylandı

Almatıda Abay atındağı Opera jäne balet teatrında Qazaqstan jazuşılar odağınıñ kezekti XV qwrıltayında belgili aqın Wlıqbek Esdäulet Qazaqstan Jazuşılar odağı Basqarmasınıñ jaña Törağası bolıp tağayındaldı , - dep habarlaydı Abay-aqparat.

Qwrıltaydı QR Mädeniet jäne sport ministri Arıstanbek Mwhamediwlı aşıp, Elbası Nwrswltan Nazarbaevtıñ qwttıqtauın oqıp berdi. Jiında negizgi bayandama jasağan Jazuşılar odağınıñ bwrınğı törağası Nwrlan Orazalin qalamgerler odağı atqarğan jwmıstarğa kezeñ-kezeñimen şolu jasap ötti.

«Qazaqstan jazuşılar odağı Keñes odağı kezindegidey ideologiyalıq qwral emes. Olay boluı da mümkin emes. Biz qwqıqtıq qoğamda ömir sürip jatqan erkin qalamgerlerdiñ erkin birlestigimiz. Ondağan, jüzdegen qoğamdıq wyımdar siyaqtı biz de qoğamdıq birlestikterdiñ biri ğanamız. Zañda körsetilgen talaptarğa say jarğımızda körsetilgen baptarğa baylanıstı ömir süruge mindettimiz. Büginde odaqtıñ qwramında 780-nen astam qalamger bar. Ädebiet deytin kieli wyımğa 84 jıl ie bolğan Jazuşılar odağınıñ jwmısın tügel tügendeu mümkin emes, biz soñğı 5 jılda atqarılğan jwmıstardı aytıp şıqtıq. Wyım odaq negizin qalağan Alaş arıstarı zamanında da, odan keyin Mwhtar, Ğabitter basşılıq etken kezeñde de joyılıp ketpegen. Jazuşılar odağında ötken 22 jıl men üşin ülken mektep boldı. Barlığıñızğa alğısımdı aytamın. Özime bata bergen ağalarım aruağı aldında basımdı iemin. Osı minbeden barlığıñızğa rizaşılığımdı ayta otırıp, törağalıqqa saylauğa tüspeytinimdi jetkizgim keledi. Endi jañadan saylanatın bauırlarımızğa sättilik tileymin. Ädebietimiz mäñgi bolsın!», - dedi Nwrlan Orazalin.

Al, Jazuşılır odağınıñ jaña basşısı Wlıqbek Esdäulet bolaşaqta "Ruhani jañğıru" bağdarlaması ayasında jaña serpinmen jwmıs jasaytının mälimdedi. Odaq törağasınıñ orınbasarlığına Mereke Qwlkenov, Bauırjan Jaqıp, Baqıt Bedelhan, Aqberen Elgezek  sekildi elge belgili qalamgerlerdi wsındı.

Biz Jazuşılar odağınıñ jaña qwramın qwttıqtap, isterine sättilik tileymiz!

Abai.kz

 

40 pikir