Toqmәdiydi "Tәtishevting qazasy" isi boyynsha 12 jylgha sottaudy súrady
Jambyl oblysynyng mamandandyrylghan qylmystyq ister boyynsha sotynda "TúranÁlem banktin" basshysy Erjan Tәtishevting qazasy boyynsha ótip jatqan sotta prokuror is boyynsha kýdikti, biznesmen Múrathan Toqmәdiydi 12 jylgha sottaudy súrady. Jergilikti aqparat agenttikterining habarlauynsha, búl is boyynsha sotta jaryssóz kezeni 12 nauryz kýni týsten keyin bastaldy.
Prokuror Toqmәdiydi "kisi óltiru" baby boyynsha aiypty dep tanyp, 11,5 jylgha sottaudy, búghan deyin kesilgen jazany qosyp, barlyghy 12 jyl bas bostandyghynan aiyru jazasyn kesudi súrady. Prokuror sonymen qatar Toqmәdiyden 356 myng tenge saraptama jasaugha ketken shyghyndy óndirip aludy súrady.
Al Toqmәdiyding advokaty onyng qylmysty "óz ómiri men jaqyn tuystarynyng ómiri ýshin qauiptengennen" jasaghanyn, "kinәsin moyyndap, tergeuge bolysqanyn" aityp, jazasyn barynsha jenildetudi súrady.
Toqmәdy taghylghan aiyptarmen "kelisetinin", "kәmeletke tolmaghan balalary baryn eskerudi jәne prosessualdyq kelisim jasasqanyn" aityp, jenil jaza taghayyndaudy súrady.
Sot ýkimi 16 nauryzda jariyalanbaq.
Nauryzdyng 8-i kýni keshke Múrathan Toqmәdiyding "Jambyl oblystyq auruhanasynan qashyp ketkeni" habarlanghan edi. 9 nauryz kýni ÚQK Toqmәdiyding ústalghanyn mәlimdegen.
Tergeu boljamy boyynsha, Toqmәdiyge adam óltiruge tapsyrysty Tәtishev qazagha úshyraghan song birneshe aidan keyin "TúranÁlem bank" basshylyghyna kelgen Múhtar Áblyazov bergen delinedi. 2009 jyly BTA bankti (búrynghy "TúranÁlem bank") memleket qaramaghyna alghannan keyin shetelge ketip qalghan oppozisiyalyq túlgha, búrynghy bankir Múhtar Áblyazov búl aiyptaulardy "shylghy ótirik" dep atap joqqa shygharady jәne ózin Qazaqstan preziydenti Núrsúltan Nazarbaev sayasy sebeppen qughyndap jatyr dep sanaydy. Áblyazov ózin "bankten milliardtaghan dollar úrlaghan" dep syrttay 20 jylgha sottaghanQazaqstan biyligining taqqan aiybyn da teriske shygharyp, preziydent Nazarbaevty ýnemi synap keledi.
2017 jylghy kýzge deyin Erjan Tәtishevting qazasy sol kezde jýrgizilgen resmy tergeu qorytyndysy negizinde "anshylyq kezindegi jazatayym oqigha" dep sanalyp kelgen. Al byltyr jazda әueli tútqyndalyp, keyin biznes-әriptesinen "aqsha bopsalaghan" jәne "zansyz qaru saqtaghan" degen aiyptar boyynsha ýsh jylgha sottalghan song týrmede otyrghan Toqmәdiyding osydan 13 jyl búrynghy "tapsyryspen adam óltiru" qylmysyn moynyna alghany turaly aqparat taraghan. Respublikalyq telearna efiyrinen berilgen filimde Toqmәdy Tәtishevting qazasy "qasaqana jasalghan qylmys ekenin moyyndaytyny" turalymәlimdeme jasaghan. Keyin Qazaqstan biyligi "bayqausyzda adam óltirip alu" turaly is boyynsha shygharylghan ýkimning kýshin joyyp, janadan tergeu bastaghan.
Abai.kz
