Bizding oblystaghy qala men audan әkimderining arasynda «ólmese berilmeytindey» erekshe bir bәseke jýrip jatyr. Onysy qaysysy sheteldik eng qymbat mashina minip, ózgelerdi shang qaptyryp ketedi eken degen ólse de berispes taytalas.  «Múnday airyqsha kólik budjetting esebinen alynady ghoy, yaghny halyqty aqshasy júmsalady. Azdap bolsa da qarapayymdylyq tanytalyq» degen oy eshqaysysynyng da oiyna kirip-shyqpaydy.

Qostanay oblysyna qarasty audandardyng әkimideri jappay minip jatqan túlpar osy...

Al endi bәsekege  ainalghan qanday kólik deysiz ghoy? Ol bizding sheneunikterding ylghy týsine kirip jýretin ataqty «Toyota Land Cruiser 200» degen sýliktey sylandaghan sheteldik asa ynghayly da, әdemi kólik. Baghasy da adam qyzygharlyqtay. Eng sorlysy degenining ózi 20 million tengeden asyp jyghylady. Olar tipti búdan sәl de bolsa arzandau, alayda әlgi mashinadan esh kemdigi joq  «Toyota Land Cruiser Prado» mashinasyn da mensinbeydi. Al ony ary ketse 15-16 million tengege op-onay alugha bolady.

Ayyrmashylyghy shamaly, tek jaylylyghy yaghny komforty erekshe demesen. Pәlening bәri mine osy komfort degenge tirelip túr emes pe? Aytpaqshy, Prado sekildi jol  talghamaytyn djipti bylay qoyyp, jer betinde sәn-saltanaty esh mashinadan kem emes «Mercedes-Benz», «Audi», «Volkswagen», «Nissan», «Renault», «Ford», «Uaz», «VAZ» jәne «KIA» markaly kólikter jyrtylyp-ayrylady emes pe? Joq, bizding shendiler olardyng birine de otyrmaydy. Al   óz oblysymyzda shygharylatyn JAC, Peugeot, Ravon jәne Iveco tәrizdi mashinalargha tipti de múryn shýiire qaraydy. Demek, bizdegi sheneunikter Elbasynyng ózimizding avtomobili zauyttary óndiretin ónimderge kóbirek kónil bólu kerek degen sózin qúlaghyna ilmegeni ghoy. Búdan keyin búl jerde olargha «sen nege elimizding patrioty bolyp, óz kóligimizdi nege minbeysin?» dep aitugha da úyalady ekensin,

Jalpy bizdegi osynday sheneunikterding ózderine degen asa myrzalyq qasiyeti Astanadaghy Parlamentting de qúlaghyna jetipti. «Mashinalardy satyp aludaghy bagha aiyrmashylyghy bes million tengeden de asyp jyghylady, - deydi Mәjilis deputaty Ábsattarov. - Mәselen, Pavlodar qalasy әkimining apparaty «Toyota Land Cruiser 200» mashinasyn satyp alugha dep 20 million tenge belgilese, al Qostanay oblysynyng Áuliykól audany әkimining apparaty 25 million 125 myng tenge bólgen».

Deputat qansha degenmen alysta túrady ghoy, sondyqtan da tym sypayylap aitqan shyghar. Al onyng janaghy 20 million degenin bizde onsha ýlken aqsha sanamaydy, Mәselen, osyndaghy  Denisov audanynyng әkimi Erlan Jamanov «Qúlasang nardan qúla» degendey, әlgindey sәigýlikti 26 million tengege satyp alyp, ózge sheneunikterding barlyghyn da jerge qaratyp ketken. Sonday «iskerliginin» arqasy shyghar qazir ol sonau it arqasy qiyandaghy Denisov audanynan qala irgesindegi jaqyn da jayly ónir Altynsarin audanyna әkim bolyp taghayyndaldy.

Erlan Jamanov degen әkimimiz osy kisi

«Jaman әdet júqqysh keledi» emes pe,  múnday myrzalyqty kórgen ózgeleri de ysyrapshylyqtyng kókesin tanytty. Qazir dәl sonday kólik alyp ýlgermese, taghynan týsip qalatynday kezek-kezek bir-bir túlpardan tandap mindi. Mysaly, «Toyota Land Cruiser 200» kóligin Naurzym audanynyng әkimi 25 million 629 myng tengege, Arqalyq qalasynyng әkimi 25 million 600 myngha, Sarykól audananyng әkimi 25 million 793 myngha, Jitiqara audananyng әkimi 22 million 624 myngha, Taran audananyng әkimi 21 million 109 myngha satyp alyp, halyqtyng aqshasynyng tegin kelgen dýnie ekendigin aiday әlemge әigilep tastady. Al endi múnday ysyrapshyldyq pen menmensinuge oblys әkimi Arhiymed Múqanbetov qalay qaraydy deysizder ghoy. Ol kisige bәri bir siyaqty. Tipti óz qaramaghyndaghy әkimderding kólikterine qaramaytyn da sekildi. Ákim bolghan song qymbat mashina mingende túrghan ne bar deytin shyghar. Al halyqtan jinalghan qarjy she? Al biz osy kýnge deyin oblys әkimining qaramaghyndaghylargha  «Sender nege sheteldik qymbat mashinagha qúmarsyndar? Ózimizde shygharylatyn kólikti  alyp, birinshiden budjetting aqshasyn ýnemdep, ekinshiden otandyq óndiristi qoldaugha nege ónege tanytpaysyndar?» degenin estigen adam joq.

Aytpaqshy, audan jәne qala әkimderining әlgidey qymbat kólikterin satyp alugha dep budjetten anau-mynau emes  462 301 413,28 tengeni qinalmay-aq bere salypty. Qalamyzda balabaqshalargha degen zәrulik talay jyldardan beri sheshilmey kele jatqandyghyn, al ýige kezekting jaqyn uaqytta joyyla qoymaytyndyghyn, oblys týgili Qostanay qalasynyng ózindegi kóshelerding әbden qiiy ketkendigin eskersek múnday «myrzalyqtyn» qisyngha syimaytyn qisyqtyq ekendigin moyyndaghan jón.

Jaybergen Bolatov

Abai.kz