Jwma, 20 Şilde 2018
Ädebiet 1345 0 pikir 5 Säuir, 2018 sağat 13:17

Oquşılar arasında «Tuğan ölkem» bayqauı ötip jatır

«Matrica.kz» qoğamdıq-sayasi portalı biıl ekinşi ret «Tuğan ölkem» («Meniñ Qazaqstanım») respublikalıq jariyalanımdar bayqauın ötkizip jatır. Qazirdiñ özinde bayqauğa jüzge juıq şığarma kelip tüsken.

«Bıltır bayqau qatısuşılarınıñ jas erekşeligine, mamandığına şekteu qoyılmağan edi, biıl bwl bäseke tek qana 7-11 sınıp oquşıları arasında ötkizilip jatır. Ağımdağı jıldıñ 15 aqpanında bastalıp, 15 säuirde ayaqtalatın bolğan. Biraq ata-analar jäne wstazdardıñ swrauımen konkurs merzimin 25 mamırğa deyin wzarttıq», — deydi «Tuğan ölkem» bayqauınıñ jauaptı redaktorı Janat Qapalbaeva.

Konkursqa wsınılatın şığarmalar öñirdiñ damuı, sol aymaqtağı tanımal jandar, biznesmender, qızıqtı keyipkerler, jastar men olardıñ jasampaz bastamaları, auıl aqsaqaldarı, auıl-aymaqtıñ tarihı men tabiğatı, turistik mümkindikteri siyaqtı san türli taqırıptı qamtuı tiis.

«Tuğan ölkem» bayqauına sayasattanuşı Aydos Sarım bastağan komissiya qazılıq etedi. Komissiya qwramında jurnalist Nwrlan Mahmwdov, jazuşı Säken Sıbanbay, «Bilimnwr» portalınıñ redaktorı İzgilik Nağiev, tanımal jurnalister Jäzira Begalı, Polina Şimanskaya, Ömirjan Äbdihalıqwlı, Serik Mämbetov, Nazira Därimbet, biologiya ğılımdarınıñ doktorı, professor Nwğman Aralbay jäne geografiya ğılımdarınıñ kandidatı, docent Sanat Tügelbaev bar.

Jülde qorı – 500 mıñ teñge. Birinşi orın iegerine – 100 mıñ, eki 2-orınğa 50 mıñ, al üş 3-orın jüldegerlerine – 30 mıñ teñgeden bwyıradı. Bir erekşeligi – biıl qatısuşı oquşılardıñ jetekşi wstazdarına da arnayı sıylıq qarastırılğan.

Wyımdastıruşılardıñ aytuınşa, bayqauğa qatısuda belsendilik tanıtıp jatqan öñirler – Aqmola, Qızılorda, Oñtüstik, Şığıs Qazaqstan oblıstarı men Almatı qalası eken.

Ayta keteyik, söz sayısına qatısam degen oquşılar kölemi kem degende 1 bettik maqala jazıp, jannur2@gmail.com jäne novoekz@gmail.com (eki poştağa) jiberui kerek. Materialdı foto jäne beynematerialmen körkemdeuge boladı. Bayqauğa qatısuşı barlıq wstazdar men oquşılarğa qatısuşı sertifikatı jäne alğıs hat tegin beriledi.

Konkurs jöninde qanday da bir swraqtar tuındasa, mına nömirge habarlasıñızdar: +7 747 533 1883 (Whatsapp, Telegram)

Abay-aqparat

0 pikir