Senbi, 29 Aqpan 2020
Qoğam 2085 1 pikir 10 Säuir, 2018 sağat 09:28

Qazaqstan Livanğa bitimgerlik küşi retinde 120 sarbaz jiberui mümkin

Qazaqstan Livanğa bitimgerlik missiyası qwramında äskeri qızmetkerlerin jibermek dep habarladı qorğanıs ministriniñ orınbasarı Talğat Mwhtarov.

Mäjilistegi ükimet sağatında söylegen Mwhtarov Qazaqstan bitimgerlik missiyası qwramında äskeri bölimdi jiberuge dayındıq jasağanın ayttı.

"Biz barlıq qajetti proceduradan öttik. Endi BWW talap etetin standarttı proceduralar qaldı. Biıl qırküyek, qazan aylarına qaray şamamen 120 adam, bir rotanı missiyalardıñ birine jiberemiz. Boljam boyınşa olar Livandağı missiyağa baradı" dedi Mwhtarov.

Qazaqstanda 2015 jılı qabıldanğan "Bitimgerşilik qızmeti turalı" zañğa säykes, prezidenttiñ äskeri qızmetkerlerdi äldebir operaciyalarğa qatıstıru turalı wsınısın parlament palatalardıñ birlesken jiını talqısına saladı. Prezidentke qarulı küşterdi paydalanu turalı wsınıstı ükimet tüsiredi. Missiyağa qatısuşılar qwramın, sanın jäne merzimin de ükimet anıqtaydı. Prezident wlttıq kontingenttiñ bitimgerşilik operaciyasına qatısuın ayaqtau, merziminen erte şaqırıp alu jäne şwğıl evakuaciyalau turalı şeşim qabılday aladı. Qazaqstandıq bitimgerlerdiñ äldebir operaciyağa qatısu mäselesi halıqaralıq wyımnıñ şeşimi nemese Astana ratifikaciyalağan halıqaralıq kelisim-şart negizinde qaraladı.

Abai.kz

1 pikir