Jeksenbi, 22 Şilde 2018
Öz sözi 1348 0 pikir 13 Säuir, 2018 sağat 08:38

Nazarbaev: Li Kuan YUdi de avtokrat degen

Qazaqstan prezidenti Nwrswltan Nazarbaev Astanada "Ruhani jañğıru" bağdarlamasına bir jıl toluına oray ötken jiında söz söylep, demokratiya bir sätte qalıptasa salmaydı dep, Qwrama Ştattar tarihın mısalğa keltirdi.

«Men täuelsizdiktiñ alğaşqı küninen bastap eldi basqarıp kelemin. Halıqtıñ senimin aqtap kelemin. Batıs qanşama ret ayttı: "Biz siyaqtı, Amerika siyaqtı, Batıs siyaqtı demokratiyanı engiziñder dedi. Biz qazaqpız, biz ne amerikalıq, ne nemis, ne ağılşın emespiz ğoy. Onda twrğan ne bar?» - dedi Nazarbaev. «Bizdiñ özimizdiñ sanamız, tarihımız, tilimiz, dinimiz, dästürimiz bar»,- dep atap ötti ol.

Prezident sözinde «bir künde mıñjıldıq isti attap öte almaytının» aytıp, «Qwrama Ştattarğa qanşa jıl? 250? Elu jıl bwrın qara jäne aq näsildiler bir avtobusta otıra almaytın. Äyelder saylauğa qatıspadı. Nege osını wmıtasızdar?» - dep mälimdedi Nazarbaev.

Ol Singapurdıñ birinşi prem'er-ministri Li Kuan YUdi kezinde «dästürdi wstanuğa şaqırğanı üşin» avtokrat dep atağanın tilge tiek etti. «Meniñ marqwm dosım Li Kuan YUdi ömir boyı diktator, avtokrat dep atadı. Qalayşa avtokrat? Bes jıldan keyin saylanğan adamdı qalayşa diktator, avtokrat dep ataydı? Bizdiñ özimizdiñ jolımız bar»,- dep mälimdedi Nazarbaev.

Abai.kz

0 pikir