Senbi, 18 Tamız 2018
Abay.tv 4550 69 pikir 26 Säuir, 2018 sağat 09:05

Qazkom memlekettik tilde söylemeu arqılı tildik janjal tuğızıp otır

Qay mekemede bolsın, Memlekettik tilde söyleudi talap etuge är azamattıñ haqı bar. Ötken jılı "Eyr Astana" äue komaniyasımen qazaq til üşin sottasıp jeñiske jetken türik azamatı Oğız Doğan Qazkom bankiniñ Astana qalasındağı Sarıarqa filialına barıp, memlekettik tilde esepşot aştıra almay, biraz qiındıqqa tap bolğanın jariyaladı. Memlekettik tilde jauap beruge jaramağan bank qızmetkerleriniñ Zañdı belşesinen basıp, azamattardıñ qwqığın taptap, talap etken tilde söylemeui, söylegisi kelmeui bwl jağdaydı sotqa deyin jetkizui äbden mümkin. 

Aldımen Oğız Doğan jariyalağan video-jazbanı körip alalıq.

Özderiñiz körip otırğanday, video-jazbanı tüsiruşi mümkindiginşe mädenietti. Emociyağa, ya minezge boy aldırıp twrğan joq. Swrları qazaq bola twra bir auız söz qazaqşa til qata almağan qızmetkerlerdiñ jayı täuelsizdik alğanına 30 jıl bolğan el üşin, memleket üşin wyat jağday.

Videoğa köz salsaq, bank menedjeriniñ qazaq tilinde söyleuden bas tartqanın köruge boladı. Filialdıñ basşısı dep tanıstırğan Äliya esimdi azamatşa da Oğız Doğannıñ şağımın qwlağına da ilgisi kelmey resmi tilde söylep, qasarısıp twrıp aldı.

Bwl birinşiden, Zañdı belinen basıp, azamattıñ qwqığın taptau.

Ekinşiden, Prezident Nwrswltan Nazarbaevtiñ til turalı jürgizip otırğan sayasatın qwlaqqa ilmeu. Memlekettik tilde qızmet etuin talap etken azamatqa memlekettik tilde qızmet körsetpeu - aldımen bilikke qarsılıq. Elbasınıñ talabın şıbın şaqqan qwrlı körmeu arqılı bwlar qazaq bola twra elimizdegi memlekettikti qwrauşı qazaq wltına, qazaq tiline degen jekkörnişterin ayşıqtap otır.

Üşinşiden, bwl jekköriniş osı eki qızmetkerdiñ ğana jeke twlğalıq sipatı emes. Bwl Qazkom-nıñ jalpı beynesi dep tüsinuge boladı. Elimizdegi bildey bank qazaq tiline suıq qarap, qızmetker alğan kezde onıñ memlekettik tildi biluin talap etpegen bolıp otır. Oğız Doğanğa orısşa "uberite kameru" dep zekip jürgen qızmetkerler bwl sözdi bükil banktiñ atınan aytıp twr. Twtınuşığa "uberite" dep bwyrıq beruge Qazkom-nıñ qwqığı joq.

Törtinşiden, "Ne üşin videoğa tüsiruge bolmaydı?" degen swraqqa bank qızmetkerleriniñ biri de mardımdı jauap bere almadı. Bwl da - sauatsızdıq.

Besinşiden qazaqşa söyley biletin banktiñ qızmetkerleri (küzetşileri) klientti, yağni Oğız Doğandı iterip-iterip, bankten quıp şıqtı. Bwl Oğız Doğandı bankten iterip şığaru emes, memlekettik tildi bankten alastau dep tüsinbek läzim.

Altınşıdan, 7 minut boyı klientke qazaqşa qızmet körsetuge ınta tanıtpağan bankti sotqa beru - Oğız Doğannıñ ğana emes, jalpı qazaqqa ortaq is.

Jetinşiden, bank qızmetkerleriniñ toñmoyındanıp, qazaq tilinde söylemey qoyuı elimizdegi orıstildiler men Reseydegi şovinisterdiñ aşu-ızasına tieri anıq. YAğni, Qazkom banki twtınuşınıñ qwqığın taptap qana qoymay, memlekettik tilde söylemeu arqılı tildik janjal tuğızıp otır.

Tüyin

Bir qazaq azamatı Oğız Doğanday qadam jasap, memlekettik tildi talap etse, ol wltşıl, jikşil bolıp şığa keler edi. Türik azamattıñ qazaq tili üşin şırıldauı bizge - olja. Orıstildiler men türik azamatınıñ ayqası qazaqqa tek paydasın tigizgey degimiz keledi.

Şäriphan Qaysar

Abai.kz

69 pikir