Särsenbi, 14 Qaraşa 2018
46 - söz 1455 0 pikir 10 Mamır, 2018 sağat 08:47

Bizge şeruletip jüre bermey, tezirek sanamızdı sauıqtıru kerek

Atalarınıñ fotosın bastarına köterip nemereleri twrdı, şeruletip balaları jürdi. Iä, bwl soğısqa bireudiñ atası, bireudiñ äkesi, nağaşısı qatıstı. Qızıl imperiya otar elderdiñ ilikke jarar erkegin maydanğa aydadı. "Jazğan qwlda şarşau joq" demekşi, olarda ne kinä, soğıstı. Köbi ajal qwştı... (Qazaqqa kelgen zardap az emes).

Jeñdi... Jeñis ruhı 70 jıldan beri sanağa siñirildi. 2-3 wrpaqqa. Olarda da kinä joq. Merekelesin. 9 maydı jaylap öz ıñğayımızğa audaru üşin qarulı küşterimizdiñ merekesin 7 mayğa qoydıq. Ardagerler de azayıp baradı. 9 may 7 mayğa auısatın bolar degen oy bar edi... Soğıstıñ tüp-tegin tanitın jaña sanadağı wrpaq ta jetiler. Bärine tarihtıñ şın tezinen qarar.

Biraq, mına ölikter şerui me edi, ölmester polki me edi, sol şıqqalı beri 9 may Reseydiñ imperialistik ideologiyasın jürgizetin, iştegi separatistik niettegilerdiñ jeligin qozdıratın nauqandı künge aynalıp ketkendey. Jıl sayın özgeşe tüs alıp keledi. Balğa, oraq tu, sarı ala qoñız tüsti lenta, t.b.

Şerudiñ aldında BTR payda bola bastaptı. Oğan tigilgen tudı aytıñız, kiim, lenta, özge kölik şerui öz aldına. Reseydiñ Ukrainadan basıp alğan Doneck jerindegi paradın kördiñizder, bwlardıñ nieti öte jaman. Mına jaqta Qıtay qazaqtı şetinen türmelep ol jatır.

Bizge şeruletip jüre bermey, tezirek sanamızdı sauıqtıru kerek. Aynalamız antalağan jau...

Bügingi şerulerge qarap otırıp kelgen oy...

Aytpaqşı, Men qazaqpın dep äskerimiz än aytsa onı jaqtırmaymız, jırtılu, bösu dep. Basqamız öytip maqtanbasaq ta, äskerimiz ayta bersinşi... Äskerge qazaqpın degen söz artıq bolmaydı... Eñ bolmağanda solar kimdi qorğaytındarın bilsin.

Mwrat Almasbektiñ Facebook-tegi paraqşasınan

Abai.kz aqparattıq portalında jariyalanğan maqalağa pikir aytıp, oyıñızdı bildirgiñiz kelse,mına paraqşağa jazıp qaldırıñız!

Abai.kz

0 pikir