سارسەنبى, 14 قاراشا 2018
46 - ءسوز 1456 0 پىكىر 10 مامىر, 2018 ساعات 08:47

بىزگە شەرۋلەتىپ جۇرە بەرمەي، تەزىرەك سانامىزدى ساۋىقتىرۋ كەرەك

اتالارىنىڭ فوتوسىن باستارىنا كوتەرىپ نەمەرەلەرى تۇردى، شەرۋلەتىپ بالالارى ءجۇردى. ءيا، بۇل سوعىسقا بىرەۋدىڭ اتاسى، بىرەۋدىڭ اكەسى، ناعاشىسى قاتىستى. قىزىل يمپەريا وتار ەلدەردىڭ ىلىككە جارار ەركەگىن مايدانعا ايدادى. "جازعان قۇلدا شارشاۋ جوق" دەمەكشى، ولاردا نە كىنا، سوعىستى. كوبى اجال قۇشتى... (قازاققا كەلگەن زارداپ از ەمەس).

جەڭدى... جەڭىس رۋحى 70 جىلدان بەرى ساناعا ءسىڭىرىلدى. 2-3 ۇرپاققا. ولاردا دا كىنا جوق. مەرەكەلەسىن. 9 مايدى جايلاپ ءوز ىڭعايىمىزعا اۋدارۋ ءۇشىن قارۋلى كۇشتەرءىمىزدىڭ مەرەكەسىن 7 مايعا قويدىق. ارداگەرلەر دە ازايىپ بارادى. 9 ماي 7 مايعا اۋىساتىن بولار دەگەن وي بار ەدى... سوعىستىڭ ءتۇپ-تەگىن تانيتىن جاڭا ساناداعى ۇرپاق تا جەتىلەر. بارىنە تاريحتىڭ شىن تەزىنەن قارار.

بىراق، مىنا ولىكتەر شەرۋى مە ەدى، ولمەستەر پولكى مە ەدى، سول شىققالى بەرى 9 ماي رەسەيدىڭ يمپەرياليستىك يدەولوگياسىن جۇرگىزەتىن، ىشتەگى سەپاراتيستىك نيەتتەگىلەردىڭ جەلىگىن قوزدىراتىن ناۋقاندى كۇنگە اينالىپ كەتكەندەي. جىل سايىن وزگەشە ءتۇس الىپ كەلەدى. بالعا، وراق تۋ، سارى الا قوڭىز ءتۇستى لەنتا، ت.ب.

شەرۋدىڭ الدىندا بتر پايدا بولا باستاپتى. وعان تىگىلگەن تۋدى ايتىڭىز، كيىم، لەنتا، وزگە كولىك شەرۋى ءوز الدىنا. رەسەيدىڭ ۋكراينادان باسىپ العان دونەتسك جەرىندەگى پارادىن كوردىڭىزدەر، بۇلاردىڭ نيەتى وتە جامان. مىنا جاقتا قىتاي قازاقتى شەتىنەن تۇرمەلەپ ول جاتىر.

بىزگە شەرۋلەتىپ جۇرە بەرمەي، تەزىرەك سانامىزدى ساۋىقتىرۋ كەرەك. اينالامىز انتالاعان جاۋ...

بۇگىنگى شەرۋلەرگە قاراپ وتىرىپ كەلگەن وي...

ايتپاقشى، مەن قازاقپىن دەپ اسكەرىمىز ءان ايتسا ونى جاقتىرمايمىز، جىرتىلۋ، ءبوسۋ دەپ. باسقامىز ءويتىپ ماقتانباساق تا، اسكەرىمىز ايتا بەرسىنشى... اسكەرگە قازاقپىن دەگەن ءسوز ارتىق بولمايدى... ەڭ بولماعاندا سولار كىمدى قورعايتىندارىن ءبىلسىن.

مۇرات الماسبەكتىڭ Facebook-تەگى پاراقشاسىنان

Abai.kz اقپاراتتىق پورتالىندا جاريالانعان ماقالاعا پىكىر ايتىپ، ويىڭىزدى بىلدىرگىڭىز كەلسە،مىنا پاراقشاعا جازىپ قالدىرىڭىز!

Abai.kz

0 پىكىر