Jwma, 16 Qaraşa 2018
654 0 pikir 15 Mamır, 2018 sağat 08:30

Ferğanada kedenşilerge mäjbürlep köşe sıpırtqızğan

Özbekstannıñ Ferğana oblısı boyınşa Memlekettik keden komiteti basqarmasınıñ qızmetkerlerine 10-11 mamırda Ferğana – Altıarık magistraldı jolın sıpırtıp, arıqtartı tazalatqızğan jäne ağaştardı äktetkizgen.

Oblıs äkimdigindegi qızmetkerdiñ 11 mamırda habarlauınşa, mäjbürli türde ötkizilgen senbilikke kedenşiler, salıqşılar jäne basqa da byudjet mekemeleriniñ qızmetkerleri oblıs basşısı Şuhrat Ganievtiñ jarlığımen şıqqan. Ferğana oblısı boyınşa keden komiteti basqarmasınıñ bir basşısı qaramağındağı qızmetkerlerdiñ senbilikke şığarğanın rastadı.

Öz esiminiñ atalmağanın qalağan kedenşi organda qızmet ete jürip köşe sıpırğanına arlanğanın ayttı.

"Basqarma basşısı Azimovtıñ nwsqauımen biz arıq tazalaymız, köşe sıpıramız, ağaş äkteymiz. Bir qızığı, bireu-mireu swray qalsa, biz mahallanıñ erikti belsendileri retinde tanıstıruımız kerek boldı. Formamızdı şeşip, senbilikke üy kiimin kiip keludi tapsırdı", - dedi basqarma qızmetkeri.

"Ferğana basşısı Şuhrat Ganiev 9 mamırda oblıs äkimdigi ğimaratında ülken jinalıs ötkizdi. Ol Ferğana oblısına prezidenttiñ kelui qarsañında ärbir jerdi tazalaudı tapsırdı. Ol ärbir basşığa, sonıñ işinde keden organına da tazalanuı qajetti jerdi bölip berdi. Ol jerler dwrıs tazalanbağan jağdayda, oblıs basşısı mekeme bastıqtarın jwmıstan şığaram dep qorqıtqan", - dedi oblıs äkimşiliginiñ ökili.

Ayta keterlik jayt, Ferğana oblısında byudjet qızmetkerleri mäjbürli türde senbilikke şıqqan küni özbek ükimeti mäjbürli eñbekpen küresu turalı qaulı qabıldağan.

Ükimet qwjatında memlekettik qızmetkerlerdi köşe tazalau nemese maqta teru sekildi jwmıstarğa mäjbürli türde şığaruğa bolmaytını turalı aytılğan. Qaulıda memlekettik organdardan, sonıñ işinde bas prokuratura men eñbek ministrliginen mwnday ürdisti doğaru üşin qajetti şara qoldanu talap etilgen.

Abai.kz

0 pikir