Düysenbi, 20 Tamız 2018
495 0 pikir 16 Mamır, 2018 sağat 10:02

Özbekstanda oquşılardıñ mañdayına "eki" qoyğan mwğalim tergeldi

Özbekstandağı Bekabad qalalıq prokuraturası men Taşkent oblıstıq halıqqa bilim beru basqarması №5 orta mektepte tört oquşınıñ mañdayına "eki" qoyğan mwğalimniñ isin teksere bastadı.

Bwl turalı Taşkent oblıstıq halıqqa bilim beru basqarması basşısınıñ orınbasarı Şukur Burhanov habarladı. "Osı ayda №5 orta mekteptegi bastauış sınıp oqıtuşısı birinşi sınıpta ülgerimi tömen oquşılarğa şara qoldanğan, prokuratura onı "psihologiyalıq azaptau" dep bağaladı", - dedi basqarma ökili.

Bekabad qalalıq bilim beru böliminiñ meñgeruşisi Mwhiddin Kuzibaevtıñ mälimdeuinşe, oquşılardı jazalağan mwğalim uaqıtşa jwmıstan şettetildi.

"Qazir birinşi sınıp oquşısı prokuraturada tüsinik berip jür. Bwğan qosa, prokuratura tergeuşileri mañdaylarına mwğalim "eki" qoyğan balalardıñ ata-analarınan tüsinikteme aldı. Mwğalim isin kämelet jasqa tolmağandardıñ isteri jönindegi mekemearalıq komissiya qaraydı", - dedi Mwhiddin Kuzibaev.

Bekabadta mañdayına "eki" degen bağa qoyılğan birinşi sınıp oquşılarınıñ suretteri 11 mamırda Instagram men Facebook jelisinde taradı. Äleumettik jeli qoldanuşıları bwl taqırıptı qızu talqıladı. Instagram'ğa bwl suretti salğan qoldanuşı oqiğanıñ 7 mamırda bolğanın jazğan.

"Mwğalim mañdaylarına eki qoyıp bergen balalar üylerine jılap oralğan. Aşulanğan ata-ana balasın suretke tüsirip, mağan joldadı. Men onı instagramğa saldım. Sol arqılı BAQ pen qoğamnıñ nazarın audarğım keldi. Degenime jettim. Özbekstannıñ halıqqa bilim beru ministriniñ orınbasarı Älişer Sadullaev jağdaydı öz baqılauına alğanın estidim", - dedi jeli qoldanuşısı.

Ministrlik şeneunigi Namoz Ruzikulovtıñ aytuınşa, "mwnday psihologiyalıq jäne fizikalıq zorlıq qoldanıp, köpşilik aldında mazaq etu" - eldiñ bilim beru sayasatına qayşı keledi". "Biz mindetti türde şara qoldanamız. Jaza qatañ, biraq ädil boladı", – dedi Namoz Ruzikulov.

Abai.kz

0 pikir