Jwma, 17 Tamız 2018
Abay-aqparat 2465 0 pikir 16 Mamır, 2018 sağat 16:20

«AEF–2018-ge baramın» bayqauınıñ qorıtındısı şığarıldı

Bügin Astanada XI Astana ekonomikalıq forumı: Global Challenges Summit 2018 şarasın ötkizu qarsañında wyımdastırılğan «AEF–2018-ge baramın» bayqauınıñ qorıtındısı şığarıldı.

Bayqau qorıtındısı boyınşa qazaqstandıq äleumettik media paydalanuşıları jeke akkaunttarında AEF-tiñ resmi heştegterimen Forumğa nelikten barğısı keletini taqırıbındağı jazbaların nemese beynerolikterin jariyaladı.

Negizgi maqsatı Astana ekonomikalıq forumın jastar arasında nasihattau, jalpı bwqarağa kün tärtibindegi 11 sın-tegeurinniñ jäne is-şaranı Global Challenges Summit-ke özgertudiñ mänin aşu bolğan bayqau 4 jäne 15 mamır aralığında ötti.

Bügin Astana qalasındağı «Hilton» meymanhanasında «AEF–2018-ge baramın» bayqauınıñ jeñimpazdarın resmi marapattau räsimi ötti.

Qwramına AEF Wyımdastıru komitetiniñ ökili Dinara Joldaspaeva, «Jetinşi arnanıñ» direktorlar keñesiniñ müşesi, prodyuser, tanımal telejürgizuşi Läylä Swltanqızı men belgili bloger, qoğam qayratkeri Ğalım Baytoq kirgen ädilqazılar jüzden astam jwmıstıñ işinen eñ üzdik beseuin iriktep aldı.

Jeñimpazdar AEF-ke tegin baru mümkindigine ie boldı. Sonımen qatar aqtıq sınğa şıqqandardıñ Astana ekonomikalıq forumınıñ ataqtı spikerleriniñ birimen fotoğa tüsuge keremet mümkindigi bar.

Bayqau jeñimpazdarı:

Äygerim Tasbolat — Halıqaralıq biznes jäne kommunikaciyalar kolledjiniñ studenti, Almatı qalası;

Äygerim Serikjanova — «Jas Otan» jastar qanatınıñ ökili, Astana qalası;

Sonar Erjan — «Miras» universitetiniñ studenti, Oñtüstik Qazaqstan oblısı;

Şayhislam Layshanov — PHD doktorı, Qazaq memlekettik qızdar pedagogikalıq universitetiniñ oqıtuşısı, Almatı qalası;

Nadira Sırlıbaeva — Oñtüstik Qazaqstan memlekettik pedagogikalıq universitetiniñ studenti, Oñtüstik Qazaqstan oblısı.

Abai.kz

0 pikir