Düysenbi, 16 Şilde 2018
Bilgenge marjan 2364 0 pikir 16 Mamır, 2018 sağat 16:25

Orazanıñ adam ağzasına paydası. Medicina ne deydi?

Qasietti Ramazan ayında auız bekitu tek ruhani twrğıdan ğana emes, adamnıñ densaulığına da ülken paydası bar. Bwl turalı ğalımdar da arnayı mälimdeme jasap, 365 kün boyı tamaq işetin adamğa jılına 30  kün oraza twtu dwrıs dep tanıdı.

Sondıqtan da siz oraza arqılı öz densaulığıñızdı da oñalta alasız. Älemde köptegen adamdarda bel alıp kele jatqan qant auruın emdeu üşin därigerler 10-15 kündey oraza wstaudı keñes etedi eken. Bwl degenimiz, medicinanıñ özi orazanı durıs korude degen soz. Bwl uaqıtta siz wyqı beziniñ demaluına kömektesesiz.

Orazada adamnıñ işki müşelerindegi maylar erip, metabolizimdi jaqsartadı eken. Biz künine 14-15 sağatqa juıq tamak işuden tıyılatındıqtan da, adam ağzasında kerek emes jasuşalar joyu processi iske asa bastaytın boladı. Sonday-aq, artıq et pen may mölşeri de joyıladı.

Francuz biologı, işki ağzalar boyınşa bilikti däriger bolğan, Nobel' sıylığınıñ laureatı Aleksis Karrel' öziniñ «Belgisiz adam» degen eñbeginde bılay deydi: «Adamdar barlıq ğasırlarda oraza twtqan. Sonday-aq barlıq dinder tamaq-sudan tıyılıp auız bekituge şaqırıp kelgen. Adam auız bekitkende eñ birinşi aştıq, odan älsizdik sezinedi. Keyde osınıñ äserinen adam qobaljuı da mümkin. Bwl sırtqı bolıp jatqan jağdaylar, biraq işki organizmde qwbılıstar bwğan qarağanda mañızdıraq. Osı sätte büyrektegi qant qimıldaydı, onımen birge teriniñ astında saqtalğan maylar da qimıldap eridi. İşki ağzalar men jürek bir qalıptı jwmıs isteui üşin barlıq organizm özindegi saqtalğan qordan qajetti energiya jwmsay bastaydı. Bwl – bolaşaqta adam organizminiñ jaqsı jwmıs isteuimen qamtamasız etedi».

Ärine, orazanıñ alğaşqı künderi aştıq qattıraq sezilui mümkin.  Alayda, adamnıñ este saqtau qabileti artatın boladı. Bastapqı da bas aynalu, auızdan jağımsı iistiñ şığuı da boladı. Biraq, uaqıt öte ağzañızdıñ özi aştıqqa üyrene bastaydı.

Este saqtaytın närse, auız aşqan soñ birden maylı, asqazanğa auır tağamdardı jeuden aulaq bolıñız. Bwl degenimiz siz öz densaulığıñızğa ziyan keltiretin bolasız. Alla elşisi (s.a.s) auız aşar kezde tek birneşe qwrmalardan däm tartıp, az ğana su işip aqşam namazına twratın. Bizde osı ädetti ülgi ete otırıp, ağzamızdı az tamaqtanuğa jäne barınşa qwnarlı as jeuge qaray dağdılandıru kerekpiz.

Köptegen ğalımdardıñ aytuınşa, auız bekitu arqılı denedegi may qwramı azayumen qatar, holesterin mölşeri de bäseñdey tüsedi eken. Bwl degenimiz qannıñ qoyulanuınıñ aldın aladı. Sonımen qatar, sizdiñ ağzañız paydalanıp jürgen türli himiyalıq qospalar bar tağamdardıñ basım köpşiligi ulı zattarğa tolı. Al oraza uaqıtında siz osı ulı zattardan arıla otırıp, jasular jañarıp, jaña quat pen küş alatın bolasız.

Barşa adam mwqtaj bolıp jürgen medicinalıq dieta arqılı siz ömir jasıñızdı wzartıp, ruhani twrğıdan tazarıp, mwsılmannıñ bes  parızınıñ birin atqaratın bolasız.

Äzirlegen Kögerşin Tilegen

Abai.kz

0 pikir