Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
Kübirtke 2339 0 pikir 24 Mamır, 2018 sağat 14:07

Qazaqtıñ soñğı künderdegi fobiyası. Kene men meningit

Soñğı künderi äleumettik jelilerde keneniñ köbeyui men meningit dertiniñ taraluı jaylı türli daqpırttı äñgimeler qızu talqılanıp jatır. Adam şoşıtarlıq aqparattar tarap, el degbirsizdene bastadı. Ädetteginşe, resmi orındar halıqqa tolıqqandı, şınayı aqparat wsına alğan joq. 

Uatsap sekildi äleumettik jeliden tarap jatqan jazbalardı qayta jariyalap eldi dürliktiru oyımızda joq.

«Santitarlıq-epidemiologiyalıq saraptama jäne monitoring ĞPO» mälimetinşe, büginde Qazaqstanda 4831adamdı kene şaqqan. Bwl resmi derek. Beyresmi derektiñ mwnan köp bolatını tağı ras. Mamandar barlıq keneler infekciya taratuşı bolıp eseptelmeytinin, sol sebepti olar şabuıl jasağanda birden üreyge boy aldırmau qajettiligin aytadı. Eñ dwrısı – tabılğan keneni zerthanağa tapsırıp, onda kene encefalitin qozdıruşınıñ bar-joğın anıqtau qajet körinedi.

Al, endi meningitke keler bolsaq, soñğı ayda birneşe adamnıñ meningokokk infekciyası saldarınan köz jwmğanı anıqtaldı.

Meningokokk – degen bakteriya. Meningokokk bakteriyasınıñ 12 türi bar. Olardıñ altauı (A, B, C, W135, Y, X) adam ömirine qauipti. Bwl bakteriyalar mwrın men jwtqınşaqtıñ şırıştı qabığında boladı jäne bir adamnan ekinşisine jeke tığız baylanıs kezinde, bir mekemede birge wzaq otıru kezinde jwğadı.

Meningokokk infekciyası nauqasqa şwğıl medicinalıq kömek körsetilgenine qaramastan jäne aurudıñ asqınuınan ölimge aparu mümkindigi joğarı. Odan aman qalğan ärbir besinşi adamdı ömiriniñ soñına deyin siñirdiñ tartıluı, ayaq-qoldıñ qozğalmauı, büyrek auruları, kereñdik jäne aqıl-estiñ kemistigi tärizdi şekteuler mazalaydı.

Resmi aqparattar Almatıda meningokokk infekciyası äzirge üş eresek adamnan tabılğanın jariyaladı. Eger dene qızuı köterilip, mwrın bitelse nemese tamaq auırsa - jwqpalı aurular auruhanasına barıñız. Halıq köp jinalğan, balalar jürgen jerge barmauğa tırısıñız», - delingen resmi habarlamada.

 

Äzirge sırqattan üş adamnıñ köz jwmğanı belgili, onıñ ekeui eresek bolsa, bireui - bala. Odan basqa eki öñirde - Almatı (2) jäne Oñtüstik Qazaqstan (2) oblıstarında meniggokokk infekciyasımen auırğandar tirkelgen.

Vedomstvonıñ habarlauınşa, meningokokk infekciyası üş jılda bir ret beleñ aladı. Eñ köp nauqastar tizimi 2013 (49 nauqas) jäne 2015 (66 nauqas) tirkelgen.

«Qazirgi uaqıtta jağdaydı Densaulıq saqtau ministrligi baqılap otır. Epidemiyağa qarsı jäne aldın alu jwmıstarı keşendi türde jürgizilude. Mindetti zerthanalıq tekseru tağayındalğan adamdardıñ aralasu ortası anıqtalıp jatır», - delingen vedomstvo habarında.

Sonday-aq, därigerler dene qızuı köterilip, tamağı auırğandarğa Almatıdağı halıq köp jinalatın mädeni-sporttıq şaralarğa, basseynder men oyın-sauıq ortalıqtarına barmauğa, atalğan belgilerdi bayqağan jağdayğa därigerge jüginuge keñes berdi.

Şäriphan Qaysar

Abai.kz

 

0 pikir