سوڭعى كۇندەرى الەۋمەتتىك جەلىلەردە كەنەنىڭ كوبەيۋى مەن مەنينگيت دەرتىنىڭ تارالۋى جايلى ءتۇرلى داقپىرتتى اڭگىمەلەر قىزۋ تالقىلانىپ جاتىر. ادام شوشىتارلىق اقپاراتتار تاراپ، ەل دەگبىرسىزدەنە باستادى. ادەتتەگىنشە، رەسمي ورىندار حالىققا تولىققاندى، شىنايى اقپارات ۇسىنا العان جوق. 

ۋاتساپ سەكىلدى الەۋمەتتىك جەلىدەن تاراپ جاتقان جازبالاردى قايتا جاريالاپ ەلدى دۇرلىكتىرۋ ويىمىزدا جوق.

«سانتيتارلىق-ەپيدەميولوگيالىق ساراپتاما جانە مونيتورينگ عپو» مالىمەتىنشە، بۇگىندە قازاقستاندا 4831ادامدى كەنە شاققان. بۇل رەسمي دەرەك. بەيرەسمي دەرەكتىڭ مۇنان كوپ بولاتىنى تاعى راس. ماماندار بارلىق كەنەلەر ينفەكتسيا تاراتۋشى بولىپ ەسەپتەلمەيتىنىن، سول سەبەپتى ولار شابۋىل جاساعاندا بىردەن ۇرەيگە بوي الدىرماۋ قاجەتتىلىگىن ايتادى. ەڭ دۇرىسى – تابىلعان كەنەنى زەرتحاناعا تاپسىرىپ، وندا كەنە ەنتسەفاليتىن قوزدىرۋشىنىڭ بار-جوعىن انىقتاۋ قاجەت كورىنەدى.

ال، ەندءى مەنينگيتكە كەلەر بولساق، سوڭعى ايدا بىرنەشە ادامنىڭ مەنينگوكوكك ينفەكتسياسى سالدارىنان كوز جۇمعانى انىقتالدى.

مەنينگوكوكك – دەگەن باكتەريا. مەنينگوكوكك باكتەرياسىنىڭ 12 ءتۇرى بار. ولاردىڭ التاۋى (A, B, C, W135, Y, X) ادام ومىرىنە قاۋىپتى. بۇل باكتەريالار مۇرىن مەن جۇتقىنشاقتىڭ شىرىشتى قابىعىندا بولادى جانە ءبىر ادامنان ەكىنشىسىنە جەكە تىعىز بايلانىس كەزىندە، ءبىر مەكەمەدە بىرگە ۇزاق وتىرۋ كەزىندە جۇعادى.

مەنينگوكوكك ينفەكتسياسى ناۋقاسقا شۇعىل مەديتسينالىق كومەك كورسەتىلگەنىنە قاراماستان جانە اۋرۋدىڭ اسقىنۋىنان ولىمگە اپارۋ مۇمكىندىگى جوعارى. ودان امان قالعان ءاربىر بەسىنشى ادامدى ءومىرىنىڭ سوڭىنا دەيىن ءسىڭىردىڭ تارتىلۋى، اياق-قولدىڭ قوزعالماۋى، بۇيرەك اۋرۋلارى، كەرەڭدىك جانە اقىل-ەستىڭ كەمىستىگى ءتارىزدى شەكتەۋلەر مازالايدى.

رەسمي اقپاراتتار الماتىدا مەنينگوكوكك ينفەكتسياسى ازىرگە ءۇش ەرەسەك ادامنان تابىلعانىن جاريالادى. ەگەر دەنە قىزۋى كوتەرىلىپ، مۇرىن بىتەلسە نەمەسە تاماق اۋىرسا - جۇقپالى اۋرۋلار اۋرۋحاناسىنا بارىڭىز. حالىق كوپ جينالعان، بالالار جۇرگەن جەرگە بارماۋعا تىرىسىڭىز»، - دەلىنگەن رەسمي حابارلامادا.

ازىرگە سىرقاتتان ءۇش ادامنىڭ كوز جۇمعانى بەلگىلى، ونىڭ ەكەۋى ەرەسەك بولسا، بىرەۋى - بالا. ودان باسقا ەكى وڭىردە - الماتى (2) جانە وڭتۇستىك قازاقستان (2) وبلىستارىندا مەنيگگوكوكك ينفەكتسياسىمەن اۋىرعاندار تىركەلگەن.

ۆەدومستۆونىڭ حابارلاۋىنشا، مەنينگوكوكك ينفەكتسياسى ءۇش جىلدا ءبىر رەت بەلەڭ الادى. ەڭ كوپ ناۋقاستار ءتىزىمى 2013 (49 ناۋقاس) جانە 2015 (66 ناۋقاس) تىركەلگەن.

«قازىرگى ۋاقىتتا جاعدايدى دەنساۋلىق ساقتاۋ مينيسترلىگى باقىلاپ وتىر. ەپيدەمياعا قارسى جانە الدىن الۋ جۇمىستارى كەشەندى تۇردە جۇرگىزىلۋدە. مىندەتتى زەرتحانالىق تەكسەرۋ تاعايىندالعان ادامداردىڭ ارالاسۋ ورتاسى انىقتالىپ جاتىر»، - دەلىنگەن ۆەدومستۆو حابارىندا.

سونداي-اق، دارىگەرلەر دەنە قىزۋى كوتەرىلىپ، تاماعى اۋىرعاندارعا الماتىداعى حالىق كوپ جينالاتىن مادەني-سپورتتىق شارالارعا، باسسەيندەر مەن ويىن-ساۋىق ورتالىقتارىنا بارماۋعا، اتالعان بەلگىلەردى بايقاعان جاعدايعا دارىگەرگە جۇگىنۋگە كەڭەس بەردى.

ءشارىپحان قايسار

Abai.kz