Jwma, 3 Säuir 2020
COVID-19 QAZAQSTANDA. Jwqtırğandar — 453. Jazılğandar — 29. Qaytıs bolğandar — 3
Qwyılsın köşiñ 6433 20 pikir 28 Mamır, 2018 sağat 19:10

Bizdiñ diplomattar: Si Czin'pin aytsa, köndi, Şın Çuanguo aytsa, boldı!" dep jürmesin!!!

 

Qazaqstan Respublikasınıñ Sırtqı İster ministrliginiñ ökilderi Şıñjañ ölkesine jäne Beyjiñge barğan saparındağı eki jaqtı kezdesulerde "QOS AZAMATTIQ" degen söz qılañ bere bastadı. Söz sıñayına qarağanda, Qıtaydan kelip, Qazaqstan azamattığın alğan qandastarımızğa tağılatın bir ayıp osı körinedi.

Bwl – Qazaqstan men Qıtay arasındağı diplomatiyalıq qarım-qatınas ornağan 1992 jılıdıñ 3 qañtarınan beri kezdespegen oqiğa edi.

Şın mäninde, Qazaqstan azamattığın alğan qandastarımızdıñ eski tölqwjatın (Qıtay pasportın) qaytarıp almay, halıqtı tığırıqqa tirep otırğan Qıtay tarapınıñ özi!

Mine, 1980 jılı 10 qırküyekte QHR Bükil memlekettik besinşi kezekti Halıq qwrıltayınıñ üşinşi jalpı mäjilisinde qabıldanğan "Qıtay Halıq Respublikasınıñ azamattıq turalı" Zañınıñ 9 - tarmağın oqıñız:

9-tarmaq: Şetelge qonıstanğan QHR azamatı öz erkimen şetel azamattığın qabıldasa, sol künnen bastap, QHR azamattığınan avtomattı türde şıqqan bolıp esepteledi.

Bwl Zañ küni büginge deyin qoldanısta twr. Özgertuler men tolıqtırular engizilu üşin Bükil memlekettik Halıq qwrıltayı şaqırıluı kerek!

Sosın bwl Zañ bizdiñ bir uıs qazaq üşin emes, jalpı qıtay wltı üşin, olardıñ alıs-jaqın şetelderge twraqtı tirkeuge twrıp, azamattıq alıp qonıstanıp qaluı üşin qabıldanğan! Sondıqtan, basqasın bilmeymin, bwl tarmaq mäñgi özgermeydi!

Demek, Qıtaydan kelip, Qazaqstan azamattığın alğan qazaqtar qos eldiñ azamatı bolıp eseptelmeydi. Elimizdegi Qıtay Elşiligi joğarıda atalğan Zañnıñ 9-tarmağın negizge ala otırıp, bwrınğıday öz eliniñ pasportın qabıldauğa sözsiz mindetti!

Sol üşin, eki jaqtı kezdesude "Qos azamattıq" turalı söz bolsa, bizdiñ diplomattar "Si Czin'pin aytsa, köndi, Şın Çuanguo aytsa, boldı!" dep jürmesin!! Qayta, Qıtay Halıq Respublikasınıñ osı "Azamattıq" turalı Zañınıñ 9-tarmağın özderiniñ aldılarına kese köldeneñ tartsın!! Qıtekeñderdiñ zuanı tartılıp, otırğan jerinde omalıp qalmasa, mağan kel!!!

Auıt Mwqibek

Abai.kz

20 pikir