Jeksenbi, 16 Jeltoqsan 2018
Kübirtke 10461 30 pikir 19 Mausım, 2018 sağat 13:54

Sayragül ayına 8 kün hanzudıñ üyine tüneuge mindettelgen

Qıtaydan balaları üşin şekara bwzıp, elge jasırın kelgen Sayragül Sauıtbaydıñ tergeui Taldıqorğan qalasında jürgizilip jatır. Bwl turalı Taldıqorğannan tilşimiz Nwrgeldi Äbdiğani habarladı.

Biılğı jıldıñ säuir ayınıñ ortasında "Meni ol jaqta ölim kütip twrğan edi... o jaqta da bir ölim, bw jaqta da bir ölim eken, endeşe qwlındarıma jetip bir-aq jığılayın, balapandarımdı bir iiskep, Qazaqstanda ölsem armanım joq..." dep şekaranı bwzıp ötken batır ananı mamırdıñ 22-si keşke 09.00-09.30-dar şamasında şekara qızmetkerleri Balpıq bi auılındağı üyinde otırğan jerinen wstap äketken.

Bizge bwl turalı Sayragüldiñ qaynısı Nwrbolat Asan habarlap, basılımdardan alğaş bolıp atalğan taqırıptı qoğam talqısına tastağan edik.

Sodan keyin Jarkenttiñ uaqıtşa tergeu izolyatorında qamauda bolğanda tilşimiz qoğam belsendilerimen birge arnayı barıp, Sayragüldiñ qal-jayın bilip qaytqan-dı. Bir-eki apta bwrın Sayragül Taldıqorğandağı uaqıtşa qamau izolyatorına auıstırıldı.  

Bügin Sayragüldiñ jayın tağı qauzamaq bolıp bir top belsendi Taldıqorğan qalasında jür. Olardıñ arasındağı tilşimiz bizge tömendegi jağdaylardı habarladı.

Bügingi tergeu procesine advokat Abzal Qwspan qatısıp şıqtı.

Abzal Qwspan, advokat:

- Sayragüldiñ jağdayı jaman dey almaymın. Sayragülmen birge Dina Iskakova degen jurnalist otır eken. Sol kisi arqılı bwqaralıq aqparat qwraldarında jariyalanıp jatqan maqalalarmen tanısıptı. "Bärin bilip otırmın. Meniñ tağdırıma alañdağan elge, halıqqa rizaşılığımdı bildiremin" dedi. Sonan soñ, Sayragüldi bir ğana swraq mazalaytının ayttı. "Qazaqstanda qala alamın ba?, joq pa?". Biz aldağı uaqıtta osı swraqqa jauap beru üşin izdenetin bolamız. Sayragüldiñ QR Qılmıstıq Kodeksiniñ 392 babınıñ 1 tarmağın (Qazaqstan şekarasın zañsız kesip ötu) bwzğanı ras. Qılmıs jasaudıñ motivi degen närse bar. Paydakünemdik maqsatında ma, joq basqa da sebebi bar ma, sol zañ şeñberinde qaraluı kerek. Tergeuşiler Sayragüldiñ otbası üşin şekara bwzıp ötkenin basa nazarda wstap otır. Tergeu qwpiyalığın jariyalamau turalı qolhat bergenmin. Sondıqtan mwnan özge eşteñe ayta almaymın. Qazaqstannıñ türmesi Qıtaydıñ türmesi emes qoy. Bügin, erteñ balalarımen kezdese aladı. Osınıñ özi - ülken quanış. 

Bügingi künge deyin Abai.kz aqparattıq portalı Sayragül Sauıtbay isine qatıstı onnan asa maqala jazdı. Osı maqalalar arqılı "bir adamnıñ tağdırı - wlttıñ tağdırı" ekenin bwqarağa däleldedik dep oylaymız. 

Qazir Sayragüldiñ joldası Uäli Siläm, wlı Wlağat, qızı Ükilay, qaynısı Nwrbolat, qoğam belsendileri Säule Äbdildahanqızı, Cerikjan Biläş, Qıdıräli Orazwlı sekildi azamattar Taldıqorğannan Almatığa qaytadı. Solarmen bolğan äñgimeden bizdiñ tilşimiz mınanday derekterdi estigenin ayttı.

Sayragül Sauıtbaydıñ qamalmay twrıp aytqan sözderi

Sayragül Sauıtbay qamalardan bwrın...

"Adam qanşalıqtı sırlı bolsa, qwpiyasın işinde wstasa, sonısımen qadirli, äri qauipsiz boladı. Meniñ Qıtaydan türmege qamalmay qaşıp şığuıma osı qasietim sebepker boldı. Men täuekelge bel buıp qaşıp öttim" .

"Qıtayda sayasi üyrenu mektebine adam aparatın edim. Sol jerde qızmet isteytin qıtay qızı "jaqında seni qamaydı" dedi. Qamalatınım, anıq bolğan soñ, şekaranı bwzıp ötuge iştey dayındala bastadım. Onıñ üstine boydaq qazaq kelinşekterin qıtay üyine ayına segiz märte qondıru mäselesi mindetteldi. Mağan da osınday auır mindet artıldı. Qwday oñdap, mağan tanıs hanzudıñ üyi bwyırdı. Oğan künine 20 yuan' aqşa berip, "qondı" dep qol qoyğızıp alıp jürdim. Keş bata hanzudıñ üyine kiremin de şarbağınan sekirip şığıp, auıldıñ şetimen öz üyi baramın. Öz üyime de baqşa arqılı kirip, jarıq jaqpay tüneytinmin. Osınday sayasattı körgen mende şekara bwzudan basqa amal qalğan joq", - degen eken.

Tüyin

Qoş! Bir ğana Sayragüldiñ jayı - bükil Qıtaydağı qazaqtıñ tağdırın köz aldımızğa keltiredi. Sondıqtan da, bizdiñ qwziretti organdar Sayragül Sauıtbayğa keşirimmen qarap, bostandıqqa şığaruğa tiis. Sayragül sekildi azamattardıñ bärine azamattıqtı jıldam jasap, öz qazağımızğa qorğan bola alsaq, wrpaq aldındağı mindetimizdiñ orındalğanı...

Qanat Birlikwlı

Nwrgeldi Äbdiğani

Abai.kz

 

30 pikir