Prokuror Uzo Asonie Manafort ózin zannan biyik qoyyp, ondaghan million dollardy ofshor arqyly kólenkeden shyghardy dep mәlimdedi. Ol búl aqshany sәn-saltanatqa shashyp, atap aitqanda 21 myng dollargha saghat nemese 15 myng dollargha týieqústan kostum satyp alghan deydi.

Memlekettik aiyptaushy Manafortty Ukrainadaghy júmysy ýshin 60 million dollar alyp, biraq salyqtan jaltaryp, aqshany ofshorly esepshotqa jasyrdy dep aiyptap otyr.

Manaforttyng qorghaushylary bolsa, onyng enbekaqysyn ofshorlar arqyly tóleudi ukraindyqtar sheshken deydi. Olar ózining qorghauyndaghy Manafortty tabysty, joghary aqy alatyn lobbist jәne kenesshi ekenin algha tartady.

Sot otyrysy kezinde sudiya prokurordyng sózderin bólip, mulitimillioner bolyp, aqshasyn sәn-saltanatqa júmsau qylmysqa jatpaydy dep eskertti. Sot otyrysy barysynda prokurorlar Manaforttyng Tramp komandasynda júmys istegenin nemese amerikalyq saylaugha Reseyding qatysy boluy mýmkindigi jayynda mýldem eske salmady.

Qúrama Shtattar Manafortqa qatysty birqatar aiyptar taqqan. Sonyng ishinde reseyshil Viktor Yanukovich ýkimetinde júmys istegen uaqytynda Qúrama Shtattar biyligin aldau maqsatynda "sheteldik agent" retinde tirkelmegeni aitylady. Biraq birde bir aiyptar 2016 jyly AQSh-ta ótken preziydent saylauyna Reseyding aralasuy mýmkindigine qatysy joq.

Biraq soghan qaramastan arnayy prokuror Robert Muller jýrgizip jatqan tergeu isinde Manafort AQSh saylauyna Reseyding aralasuy mýmkindigi boyynsha basty figurant. Mausym aiynda sot Manafortty qamaugha alghan. Tramp oghan qatysty tergeu isin "mystannyng izine týsu" dep ataghan.

Abai.kz