Qúrmetti әriptester, sudiyalar!

Búl sizderge tórtinshi hatym. Ol bizding jauapkershiligimiz jayly. Kәsiby jәne jeke.

Birinshi. Árbirimizdi taghayyndaghan nemese sudiyalyqqa úsynghan Elbasy. Bizge memleket atynan sot tóreligin iske asyrudy senip tapsyrdy. Sondyqtan Preziydent aldynda da, qogham aldynda da, әrbir azamat aldynda da kәsiby jauapkershilik arqalaymyz. Halyqtyng sapaly sot tóreligine súranysyn qanaghattandyru – bizding kýn sayynghy mindetimiz.

Jaqyndarymyz ben tuystarymyz aldynda da jeke jauaptymyz. Sudiya retinde de, túlgha retinde de olardyng aldynda arymyz taza, bedelimiz kirshiksiz boluy tiyis.

Sondyqtan sizderge ótinish – kenesu bólmesinde qalyp, sot sheshimin shygharghanda tym bolmasa bir ret ishtey qaytalanyz:

«Men zandy jәne ar-ojdandy basshylyqqa alamyn».

Ekinshi. BAQ-ta, әleumettik jelilerde biz turaly, men turaly әrtýrli әngimeler bar. Sheshimderimen qúqyqty qalpyna keltirgen, әdil aqtaghan sudiyalar jayly da jaqsy pikirler kóp.

Syn da bar, negativ te bar. Tipti, men reformatormyn ba әlde úranshyl, sózinen isi aspaytyn demagogpin be degen súrau jýrgizilgen eken.

Múnyng barlyghyna týsinistikpen qaraymyn. Múny men dúrys jaqqa baghyt silteytin, qolgha alghan sharalarymyzdyng dúrysbúrystyghyn kórsetetin kompas retinde qabyldaymyn.

Ras, keyde «divandy blogerler» jaghdaydy ushyqtyryp jiberedi. Biraq, mәsele olar jayly emes. Mәsele sottyng zansyz sheshimderinen zardap shekken; jeke qabyldauyma kire almay jýrgen; jekelegen sudiyalar men jalpy jýiemizding kemshilikterin ashyp kórsetip jýrgender jayly. Sot salasyna jany ashyp, shyryldap jýrgender turaly. Múnyng bәri bizding júmysymyzgha berilgen shynayy bagha.

Biz arqyly milliondaghan adamdar men biznesting taghdyry ótedi. Ótken jarty jylda audandyq, qalalyq sudiyalar 1,8 mln. 800 myng is pen materialdy sheshken. Júmys kýnderine bólsek, әrbir kýn sudiyalar naqty qylmystyq, azamattyq, әkimshilik ister men materialdar boyynsha 13,5 myng sheshim qabyldady degen sóz. Árbir sudiya orta eseppen 7 qorytyndy sheshim qabyldaydy.

Jogharghy Sotta 8 182 sheshim qabyldanghan. Kýnine – 67 degen sóz. Búl kýrdeli, kópepizodty ister.

Ras, sizderge týsetin salmaq anaghúrlym. Ásirese, Almatyda, Astanada, basqa iri qalalarda. Bir sudiyagha aiyna 300-ge deyin is. Sizderding qanday auyr rejimde júmys isteuge tura keletinin qorytyndy keneste aittym. Qyzmet babyna oray әrdayym daudamaydyng ortasynda jýremiz. Sol sebepten sudiyalardy sot tóreligine qatysty emes artyq, qajetsiz júmystan bosatu ýshin týzetuler әzirlep jatyrmyz.

Áriptester, kýn sayyn jýzdegen shaghym alamyn. Kóbisi jeke qabyldaudy súraydy. Adam Jogharghy Sot Tóraghasyna barugha mәjbýr bola ma, joq pa, ol sizderge baylanysty. Jergilikti jerde júmystarynyz sapaly bolghan sayyn halyqty da Astanadan әdildik izdeuge mәjbýr etpeymiz, olardy әurege salmaymyz.

Ókpesi barlar әdiletsiz dep sanaytyn sudiyalardy júmystan bosatudy súraydy. Áriyne, barlyghy zanger emes. Kóbisi qúqyqtyq proseduralardyng qyr-syryn bile bermeydi. Sot jýiesi birinshi basshysy kez-kelgen qyzmetkerdi jazalap, júmystan bosata alatyn basqa memlekettik organdargha úqsamaydy. Bizde olay emes. Árbir sudiya sheshimdi ózi qabyldaydy. Basqa sudiya, ne jergilikti sottyng tóraghasy, ne Jogharghy Sottyng Tóraghasy aralasugha, oghan núsqau beruge qúqy joq.

Sot tóreligin iske asyrghan kezinde әrbir sudiya tәuelsiz, tek zang men ishki nanymgha, ar-ojdangha baghynady. Eshkim de sudiyany jaydan-jay júmystan bosata almaydy. Búl kýrdeli, birneshe satyly prosedura.

Ózderiniz bilesizder, sudiya ýstinen shaghym týskende tekseru jasalady. Eger zansyzdyq rastalsa, sudiyanyng qyzmet ornyna oray oblystyq sottyng nemese Jogharghy Sottyng jalpy otyrysynyng tóralqasy tәrtiptik óndiris qozghap, materialdardy Jogharghy Sottyng Sot juriyine joldaydy.

Sudiyanyng kinәsi dәleldense, oghan eskertu, sógis jariyalanady nemese qyzmetinen bosatu jayly úsynys jasalady. Múnday úsynys bólek memlekettik organ bolyp tabylatyn jәne Jogharghy Sottan derbes Joghary Sot Kenesine joldanady.

Etikagha qatysty zansyzdyqty Etika jónindegi komissiya qaraydy. Sodan song jogharyda atalghan proseduralar bastalady.

Sot sheshimin qabyldaghannan keyin bir jyl ótse, onda sudiya jazagha tartylmaydy. Al, sheshimning zansyz ekenin biz kóbinese is barlyq satylardan ótkennen keyin ghana bilip jatamyz.

Zansyzdyqtar boyynsha sudiya Joghary Sot Kenesine, al etikany búzu boyynsha Sudiyalar odaghyna shaghym keltiruge qúqyly. Búl da bólek prosedura.

Basqasha aitqanda, sudiyany jauapqa tartu ýshin belgilengen tәrtip pen shekteuler bar. Jogharghy Sot Tóraghasy óz qalauy boyynsha sudiyany jazalay da, júmystan bosata da almaydy.

Búl ghasyrlar boyy qalyptasqan tәrtip. Sot tóreligining prinsiypi. Barlyq damyghan elderde osylay. Bizding Konstitusiya men zandarda da solay. Búl memlekettik jәne memlekettik emes qúrylymdardan, sot organdarynyng basshylarynan, sonyng ishinde Jogharghy Sot Tóraghasynan, tәuelsiz bolu ýshin kepildik.

IYә, jazalau mehanizmi úzaq әri kýrdeli. Búl bizge jaqsy qorghan. Biraq, múnday prosedura adal, sauatty sudiyalary kóp, zandy belden basatyn sudiyalary az sot jýiesine arnalghan.

Bizde, ókinishke oray, sudiyalyqqa ýmitkerlerdi irikteu jýiesi ózin aqtamay otyr. Sonyng kesirinen bizge jeke qasiyetteri jaghynan da, kәsiby qabiletteri jaghynan da «kezdeysoq» kadrlar enip ketken. Sondyqtan qateler de kóp, jemqorlyq ta bar. Ótken jyly halyqaralyq sarapshylar aitqanday, sottarymyzda komandalyq-әkimshilik әdis te qoldanylady.

Sudiya shyn mәninde tәuelsiz bolsyn desek, múnyng barlyghynan aryluymyz kerek. Ol ýshin birtindep zandarymyzdy jetildirip, әrbir sudiyanyng jeke jauapkershiligin arttyramyz.

Ótken 8 aida birde-bir sudiyany qabyldaghan joqpyz. Al, vakansiya kóp – 10%. Layyqtylar joq emes. Bar. Biraq, olardy dúrys irikteu kerek. VSS-pen birge ony týbegeyli ózgertip jatyrmyz.

Ýshinshi, eng manyzdy nәrse. 13 shildedegi jartyjyldyq keneste barlyq sot satylarynan ótken naqty ister men óreskel zansyzdyqqa jol bergen sudiyalardy ataghanymda әleumettik jeliler shulap ketti.

Búl sot aktileri «qisyq» shygharylghan. Eshkim eshtene týsinbesin dep, sheshimning tilin barynsha kýrdelendirip tastaghan.

Búdan shygharatyn qorytyndy ekeu. Sudiya ne sauatsyz, yaghny zandar men sot tóreligining prinsipterin bilmeydi, ne ol bireuding mýddesin qorghashtaydy.

«Bir qúmalaq bir qaryn maydy shiritedi» deydi. Bizde de solay. Sudiyanyng bir «solaqay» sheshimi býkil jýiemizge syn tughyzyp, júmysyn taza, sauatty jasap jýrgen basqa sudiyalardyng júmysyna ziyanyn tiygizedi.

Tipti, zandardy ózgertsek te onday sudiyalardyng tәrtibin tez ózgertu ekitalay. «Qolmen basqaru» rejiymine kóship, olardyng sanasyn, oi-órisin ózgertpesek bolmaydy.

Sondyqtan eki nәrse:

a) Qorytyndy keneste aty atalghan sudiyalar boyynsha Sot jurii tiyisti tәrtippen olardyng jauapkershiligin qarauda;

b) Aldaghy uaqytta da osynday ister men faktilerdi onlaynrejimde kópshilik talqygha shygharamyz. Qyrkýiek aiynan bastap zandy ayaqqa taptaghan әrbir sudiyanyng atyn ataymyz.

Búl mәjbýrli shara. Múnday qadamgha baru maghan da onay emes. Biraq, múnyng bәri – sot tóreligining mýddesi ýshin. Múnday qajettilik keyin joyylatynyna senimdimin. Sol sәt neghúrlym tezirek kelse, odan útatyn, eng aldymen, ózimiz.

Jaqyp Asanov. QR Jogharghy sotynyng tóraghasy

P.S. Qalyptasqan dәstýrden auytqyp, sizderge kitap emes, 2 filimdi kórudi úsynamyn:

- «The Great Debators» - «Ýlken daushylar»;

- Viktor Gugonyng «Shettetilgender» romanynyng ekranizasiyasy.

Búl tuyndylardaghy adam qúqyghy, sot tóreligining negizderi, sheshendik ónerding qajettiligi jayly tereng iydeyalargha biz jii oralyp túrghanymyz jón.

Abai.kz