Beysenbi, 22 Tamız 2019
Sañlaq 1359 4 pikir 15 Tamız, 2018 sağat 11:37

«Astana» el ümitin aqtay almadı

UEFA Çempiondar ligası üşinşi irikteu kezeñiniñ qarımta matçında «Astana» Horvatiyada jergilikti «Dinamo» komandasına 1:0 esebimen jol berdi. Osılayşa, qos oyınnıñ qorıtındısında zagrebtik komandadan 3:0 esebimen jeñilgen elordalıqtar kelesi kezeñ joldamasınan qağıldı.

Qos komandanıñ kezdesui bastalmay twrıp sarapşılar men janküyerler «Astananıñ» pley-off kezeñine ötuge mümkindigi bar ekenin aytqan. Alayda, teke-tirestiñ nätijesi qazaqstandıqtardı quanta qoymadı. Öz alañında anau-mınau komandağa ese jibere qoymaytın elordalıq wjım alğaşqı oyında «Astana Arena» törinde 0:2 esebimen wtılğanda-aq janküyer jüzinen ümit otı söne bastağan.

Sonda da ukrainalıq maman Roman Grigorçuk bastağan jigitter Horvatiya jerine qoldan kelgenniñ bärin jasaymız dep attandı. Janküyerlerdiñ köñil tükpirinde de kütpegen jerden kambek orın ala ma degen küñgirt ümit bolğan. Biraq, «Maksimir»  stadionında ötken matç zagrebtik komandanıñ bizge qarağanda bir bas joğarı twrğanın körsetip berdi.

Ärine, «Dinamo» Zagreb qazaqstandıq komanda üşin qalpaqpen wrıp alatın qarsılas emes edi. Europanıñ eñ ejelgi komandalarınıñ biri. Germaniyanıñ ataqtı transfermarkt saytınıñ mälimetine süyensek, komanda sapındağı oyınşılardıñ transfer narığındağı jalpı qwnı 42,5 mln euronı qwraydı. Eñ qımbat oyınşısı — qorğauşı Kevin Teofil'-Katren (4 mln). Al «Astananıñ» jalpı qwnı 24,15 mln twratının eskersek, eki ortadağı parıq anau aytqanday alşaq emes. Demek, horvatiyalıq komanda biz üşin alınbas qamal da emes edi.

Biraq, qalay aytsaq ta, boları boldı. El ümitin arqalağan elordalıq komanda biıl da Çempiondar ligasınıñ toptıq kezeñine şığu mümkindiginen ayrıldı. Biıl qart qwrlıqtıñ eñ bäsi biik turnirinde komandamız boy körseter degen köpşilik ümiti jelge wştı. Endi «Astana» komandasına Europa ligasınıñ pley-off kezeñinde sättilik tileu ğana qaldı. Bärimiz biletindey, «Astana» Europa ligasınıñ toptıq kezeñine ötu üşin «Hapoel'» Beer-Şeva (Izrail') — APOEL (Kipr) (birinşi oyın 2-2) jwbınıñ jeñimpazımen kezdesedi.

Tağı bir ayta keterligi, Horvatiya jerinde ötken oyında «Astana» sapında birde-bir qazaq oyınşı negizgi qwramda alañğa şıqqan joq. Qazaq futbolşı deymiz au, matçtı birinşi minuttan bastağan 11 oyınşınıñ arasındağı taza qazaqstandıq jalğız Şomko ğana. Al Qazaqstannıñ pasportı bar özge üş oyınşı – Eriç, Malıy, Postnikovtar özge elde tuğan «jaña qazaqtar».

«Dinamo Zagreb» - «Astana» 1:0 (0:0)

Alğaşqı oyın: 2:0

Gol: Gavrinoviç 74 (1:0)

Eskertu: Postnikov 44, Malıy 55

«Dinamo» Zagreb: Zagorac, Ademi, Ol'mo, Hayroviç, Budimir (Gavranoviç 56), Goyak (Şun'iç 70), Leovac, Teofil'-Katren, Stoyanoviç, Dilaver, Orşiç (Periç 83)

«Astana»: Eriç, Rukavina, Klyaynhaysler (Şetkin 78), Pedro Enrike, Tomasov, Maevskiy, Almeyda (Mujikov 78), Malıy, YAnga (Kabananga 78), Postnikov, Şomko

Bas töreşi: Gediminas Majeyka (Litva)

14 tamız. Zagreb. «Maksimir». 

 Abai.kz

4 pikir