Seysenbi, 14 Şilde 2020
COVID-19 QAZAQSTANDA. Jwqtırğandar — 61755. Jazılğandar — 35911. Qaytıs bolğandar — 375
1942 30 pikir 30 Tamız, 2018 sağat 14:15

Almatıda «Nwrlı jer» men «7-20-25» twrğın üydi iske qosu deñgeyin arttırdı

Bwl turalı Qazaqstan Respublikasınıñ Konstituciyası künine arnalğan saltanattı jiın barısında Almatı äkimi Bauırjan Baybek ayttı, - dep habarlaydı Abay-aqparat Almatı äkiminiñ saytına silteme jasap.

Megapolis äkimi Elbasınıñ bastaması ayasındağı «7-20-25» bağdarlaması boyınşa Almatıda 5,1 mlrd. teñgege twrğın üy nesiesiniñ 36%-ı berilgenin atap ötti. Onıñ üstine elimizde wsınılğan 1,5 mıñ päterdiñ 40% -ı da osında.

«Elbasınıñ «Bes äleumettik bastaması» boyınşa tayaudağı üş jıl işinde 37 jataqhana salınadı. Qazirdiñ özinde 4 mıñ orındı 7 nısannıñ qwrılısı bastaldı. Olardıñ törteui biılğı jılı paydalanuğa beriledi. Öz kezeginde «Nwrlı jer» memlekettik bağdarlaması qalada twrğın üy salu deñgeyin 7,5%-ğa deyin köterdi. Bwl osı jıldıñ 7 ayı işinde 1 mln. şarşı metrden astam üy salınğanın körsetedi», - dğep atap ötti Bauırjan Baybek.

Ayta keterligi, «Almatı jastarı» qalalıq twrğın üy bağdarlaması boyınşa soñğı eki jılda Almatı äkimdigi 3 mlrd. teñge böldi. Eger ötken jılı 100-den astam jas otbasılar jeñildetilgen jağdayda päter alsa, biılğı jılı 200 päter bölinetin boladı.

Abai.kz

30 pikir