Düysenbi, 16 Qırküyek 2019
Arılu 5356 45 pikir 18 Qırküyek, 2018 sağat 09:20

Genanı mıqtı jasap jürgender - qwl bolğan qwlsanalar

Gena birinşi kezdesude de jeñilgen bolatın. Ol jerde töreşiler ädiletsizdik tanıtıp teñ nätije tirkey saldı. Osı jolı Genağa jeñis beruge eş mümkindik taba almadı. Qarsılası mıqtı, onı moyındau kerek.

Qarsılası jas, fizikalıq twrğıda mıqtı, äri täjiribesi mol. Öytip dolılıqpen jırtıludıñ qajeti şamalı. Genağa qwldıq qılatındardıñ moyındamauları da tabiği zañdılıq, o jağın da tüsinuge boladı. Birinşi kezdesude jeñisti Genağa bergende eşkim "ädiletsizdik qıldı, töreşini satıp alğan" degeni siyaqtı miyaulamap edi. Osı jolı Saul' Al'vareske ese jibergennen keyin "Gena, sen bizge bäribir çempionsıñ, Al'vares doping işken, bärin satıp alğan" dep jala jauıp el şulap qoya berdi. Ädiletsiz eldiñ halqı qaydan ädiletti bolsın! Jäne jeñilgen adamnıñ janküyerleriniñ sözi qwrısın!

Genanıñ janküyerleriniñ pikirlerine bağa berudiñ, oğan senudiñ eş qajettiligi joq! Onday pikirler tükke twrğısız, esektiñ aqırğanına kim ğaşıq? Sebebi, sırttan ton pişken janküyerlerdiñ bäri ädil-qazı alqası emes, bäri boksşı emes, bäri töreşi emes qoy. Ata-anasına, el-halqına, wrpaqtarına dwğa qıla almaytındardıñ Genağa dwğa qıluı qwldıq sananıñ tereñ tamır jayğanı dep bilu qajet.

Qwlğa qojayını mıñ jerden şalıs bassa da qojayın bolıp qala bermek. Gena üşin qayğırıp, qara jamılıp, joqtau aytıp, köñil aytıp äleumettik jelini şulatu sorlı qazaqtıñ qazirgi deñgeyin odan beter paş etti. Qwldıq sanadağılardıñ közderi äbden jetken bolar. Osılay bolatının bildim jäne osı kezdesudi küttim! Gena mıqtı emes, Genadan mıqtı jasap jürgender oğan qwl bolğan qwlsanalar!

Qaytsin endi, barı da, özderiniñ qoldarınan ol da kelmeydi, sondıqtan qiqulağannan basqa ne bitirsin! Al'vares bäribir mıqtı! Mıqtını moyındau da mıqtılıq bolar edi, biraq biz sol bayağı äperbaqandıqpen el bola almay kele jatqan jayımız bar!

Ädilet Şınbolat

Abai.kz

45 pikir