Beysenbi, 27 Mausım 2019
Osı ğoy endi... 1227 1 pikir 2 Qazan, 2018 sağat 09:51

Sıyaqı bermeydi, auırıp qalsa tölemaqı tölemeydi...

Autsorsing pen autstaffingtiñ ne ekenin qazaqstandıqtar bile bermeydi. Biraq olar bizdiñ ömirimizge etene enip alğan eken. Juırda Mäjilis deputatı Ayqın Qoñırovtıñ Prem'er-Ministr Baqıtjan Sağıntaevtıñ atına joldağan saualınan sonı bildik. Bwlar jaldamalı jwmısqa aludıñ ädisteri körinedi.

Bwl sözderdiñ ekeuinde de «aut» degen söz bar. Al auttıñ «sırtta», «oyınnan tıs» degen mağına beretinin bilemiz. Demek osınday ädistermen jwmısqa twratındar Qazaqstan Respublikasınıñ eñbek şartı men äleumettik kepildikterin közdeytin zañdarınan tıs bolğandıqtan olardı qoldana almaydı degen söz.

Deputattıñ aytuına qarağanda bizdiñ eñbek salasın baqılaytın vedomstvomız özin özi qamtamasız etetinder 2011 jıldan beri 600 mıñğa azaydı, al jaldamalılardıñ sanı 1 mln. 100-ğa arttı dep quana jar salğan eken. Quanatın sebebi – jaldamalı jwmıskerler tabısın jasıra almaydı, memleketke salıqtı uaqıtılı tölep twradı. Biraq az uaqıtta mwnşalıq köp adamnıñ auısuınıñ qanday sırı bar degenge eşkim män bermepti. Söytsek, özin özi qamtitın jwrt negizinen auılşaruaşılığında azayıp, 2011 jıldan beri 1 millionnan artıq adamğa qısqarıptı. Bwl - şağın jeri, azdağan malı, şağın käsibi bar, qolı qısqalau fermerler azayıp, ülkenderge siñip ketken degen söz. Bwl da jaqsı emes, öytkeni mwndayda auılşaruaşılığı öniminde bäsekelestik bolmaydı. Halıq korporaciyalardıñ önimin ğana aluğa mäjbür boladı. Al azuın ayğa bilegen Amerika sekildi elder kerisinşe şağın fermerlerdi qoldaydı.

Al endi osı auılşaruaşılığınan ketken adamdar qayda kirdi desek, olar autsorsing jäne autstaffing ädisterimen jwmıstarğa jaldanadı eken. Osı ädistermen uaqıtşa ğana jaldanıp, joğarıda atalğan zañmen bekitilgen kepildikterge qol jetkize almaytındar osındaylar. Bwlardı jaldau bizneske tiimdi, öytkeni sıyaqı bermeydi, eñbek demalısın swratpaydı, auırıp qalsa tölemaqı tölemeydi jäne t.t. Biznes tipti öziniñ twraqtı jwmıs isteytin personalınıñ birazın osı ädispen jaldauğa şığara bastaptı.

Deputat A.Qoñırov osı mäseleni köterip, atalmış ädistermen jaldanatındardıñ äleumettik kepildikteri men eñbek şartındağı qwqıların qorğauğa nazar audarıp otır. Joğarıda atalğan saualında A.Qoñırov özi bastağan Mäjilistegi Halıqtıq kompartiya frakciyasınıñ müşelerin tegis qol qoydırıp, Prem'er-Ministrden osı adamdardı esepke aludı jäne olardıñ qwqın qorğaudı talap etken.

 S.Eleu

Abai.kz

1 pikir