Jeksenbi, 16 Mamyr 2021
El ishi... 2577 2 pikir 5 Qazan, 2018 saghat 09:49

Autsorsing pen autstaffing

Autsorsing pen autstaffing. Búlardyng ne ekenin qazaqstandyqtar bile bermeydi. Biraq olar bizding ómirimizge etene enip alghan eken. Juyrda Mәjilis deputaty Ayqyn Qonyrovtyng Premier-Ministr Baqytjan Saghyntaevtyng atyna joldaghan saualynan sony bildik. Búlar jaldamaly júmysqa aludyng әdisteri kórinedi.

Búl sózderding ekeuinde de «aut» degen sóz bar. Al auttyng «syrtta», «oyynnan tys» degen maghyna beretinin bilemiz. Demek osynday әdistermen júmysqa túratyndar Qazaqstan Respublikasynyng enbek sharty men әleumettik kepildikterin kózdeytin zandarynan tys bolghandyqtan olardy qoldana almaydy degen sóz.

Deputattyng aituyna qaraghanda bizding enbek salasyn baqylaytyn vedomstvomyz ózin ózi qamtamasyz etetinder 2011 jyldan beri 600 myngha azaydy, al jaldamalylardyng sany 1 mln. 100-gha artty dep quana jar salghan eken. Quanatyn sebebi – jaldamaly júmyskerler tabysyn jasyra almaydy, memleketke salyqty uaqtyly tólep túrady. Biraq az uaqytta múnshalyq kóp adamnyng auysuynyng qanday syry bar degenge eshkim mәn bermepti. Sóitsek, ózin ózi qamtityn júrt negizinen auylsharuashylyghynda azayyp, 2011 jyldan beri 1 millionnan artyq adamgha qysqarypty. Búl - shaghyn jeri, azdaghan maly, shaghyn kәsibi bar, qoly qysqalau fermerler azayyp, ýlkenderge sinip ketken degen sóz. Búl da jaqsy emes, óitkeni múndayda auylsharuashylyghy óniminde bәsekelestik bolmaydy. Halyq korporasiyalardyng ónimin ghana alugha mәjbýr bolady. Al azuyn aigha bilegen Amerika sekildi elder kerisinshe shaghyn fermerlerdi qoldaydy.

Al endi osy auylsharuashylyghynan ketken adamdar qayda kirdi desek, olar autsorsing jәne autstaffing әdisterimen júmystargha jaldanady eken. Osy әdistermen uaqytsha ghana jaldanyp, jogharyda atalghan zanmen bekitilgen kepildikterge qol jetkize almaytyndar osyndaylar. Búlardy jaldau bizneske tiyimdi, óitkeni syiaqy bermeydi, enbek demalysyn súratpaydy, auyryp qalsa tólemaqy tólemeydi jәne t.t. Biznes tipti ózining túraqty júmys isteytin personalynyng birazyn osy әdispen jaldaugha shyghara bastapty.

Deputat A.Qonyrov osy mәseleni kóterip, atalmysh әdistermen jaldanatyndardyng әleumettik kepildikteri men enbek shartyndaghy qúqylaryn qorghaugha nazar audaryp otyr. Jogharyda atalghan saualynda A.Qonyrov ózi bastaghan Mәjilistegi Halyqtyq kompartiya fraksiyasynyng mýshelerin tegis qol qoydyryp, Premier-Ministrden osy adamdardy esepke aludy jәne olardyng qúqyn qorghaudy talap etken.

Serik Eleu, sarapshy

Abai.kz

2 pikir