Sәrsenbi, 19 Mamyr 2021
Sanlaq 1779 0 pikir 18 Qazan, 2018 saghat 02:05

Velosporttan Qazaqstan komandasy jasóspirimder Olimpiadasynda top jardy

Argentina astanasy Buenos-Ayreste ótip jatqan jasóspirimder arasyndaghy Olimpiada oiyndarynda qúrama qorjynyna taghy bir altyn medali týsti.

Búl joly dýbirli dodada top jarghan velosporttan Qazaqstan erler komandasy boldy. Veloshabandozdar Gleb Brusenskiy men Evgeniy Fedorov bes kezenge sozylghan keshendi jarysta kósh tizginin eshkimge bergen joq.

Býgin mauntinbaykten ótken kriyterium jarysynda Gleb Brusenskiy ekinshi oryn iyelenip, komanda qorjynyna 80 úpay saldy.

Evgeniy Fedorov ta úpaysyz qalghan joq. Ol altynshy orynnan kórinip, 30 úpaygha qol jetkizdi.

Osylaysha, Qazaqstan komandasy jalpy esepte 418 úpay jinap, altyn medali iyegeri atandy. Kýmis jýldeger atanghan Luksemburg qúramasynda 276, qola jýlde iyelengen Úlybritaniyada 253 úpay bar.

Ayta keteyik, 6 qazanda jalauyn jelbiretken jasóspirimder arasyndaghy III Jazghy Olimpiada oiyndary 18 qazanda mәresine jetedi. Iri sporttyq sharagha 206 elden 4 myngha juyq sportshy qatysyp jatyr. Dýbirli dodada Qazaqstan namysyn 57 sportshy qorghauda.

Abai.kz

0 pikir