دۇيسەنبى, 22 شىلدە 2024
ساڭلاق 3577 0 پىكىر 18 قازان, 2018 ساعات 02:05

ۆەلوسپورتتان قازاقستان كومانداسى جاسوسپىرىمدەر وليمپياداسىندا توپ جاردى

ارگەنتينا استاناسى بۋەنوس-ايرەستە ءوتىپ جاتقان جاسوسپىرىمدەر اراسىنداعى وليمپيادا ويىندارىندا قۇراما قورجىنىنا تاعى ءبىر التىن مەدال ءتۇستى.

بۇل جولى ءدۇبىرلى دودادا توپ جارعان ۆەلوسپورتتان قازاقستان ەرلەر كومانداسى بولدى. ۆەلوشاباندوزدار گلەب برۋسەنسكي مەن ەۆگەني فەدوروۆ بەس كەزەڭگە سوزىلعان كەشەندى جارىستا كوش تىزگىنىن ەشكىمگە بەرگەن جوق.

بۇگىن ماۋنتينبايكتەن وتكەن كريتەريۋم جارىسىندا گلەب برۋسەنسكي ەكىنشى ورىن يەلەنىپ، كوماندا قورجىنىنا 80 ۇپاي سالدى.

ەۆگەني فەدوروۆ تا ۇپايسىز قالعان جوق. ول التىنشى ورىننان كورىنىپ، 30 ۇپايعا قول جەتكىزدى.

وسىلايشا، قازاقستان كومانداسى جالپى ەسەپتە 418 ۇپاي جيناپ، التىن مەدال يەگەرى اتاندى. كۇمىس جۇلدەگەر اتانعان ليۋكسەمبۋرگ قۇراماسىندا 276, قولا جۇلدە يەلەنگەن ۇلىبريتانيادا 253 ۇپاي بار.

ايتا كەتەيىك، 6 قازاندا جالاۋىن جەلبىرەتكەن جاسوسپىرىمدەر اراسىنداعى III جازعى وليمپيادا ويىندارى 18 قازاندا مارەسىنە جەتەدى. ءىرى سپورتتىق شاراعا 206 ەلدەن 4 مىڭعا جۋىق سپورتشى قاتىسىپ جاتىر. ءدۇبىرلى دودادا قازاقستان نامىسىن 57 سپورتشى قورعاۋدا.

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1356
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2138
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2173