Astanada QR Premier-Ministri Baqytjan Saghyntaev halyq tabysyn ósiru jәne enbekaqy tóleu jýiesin jetildiru túrghysynan Memleket basshysynyng biylghy 5 qazandaghy Joldauyn iske asyru mәseleleri boyynsha selektorlyq kenes ótkizdi.

Memleket basshysy Qazaqstan halqyna Joldauynda enbek salasyndaghy negizgi әleumettik indikatordyng — eng tómengi jalaqynyng parametrlerin ózgertudi tapsyrdy. Sonymen qatar Preziydent iri kompaniyalardy osy ózgeristerdi qoldap, sәikesinshe, eng tómengi jalaqy alatyn júmyskerlerding enbekaqysyn kóteru sharalaryn qabyldaugha shaqyrdy.

Kenes barysynda jergilikti atqarushy biylik organdary men jeke qúrylymdardyng osy tapsyrmany oryndauy boyynsha birynghay tәsilderdi әzirleu mәseleleri talqylandy. Mәseleni jan-jaqty qarau ýshin kenes júmysyna selektor rejiyminde ónirlerding әkimderi, sonday-aq, «Atameken» ÚKP jәne elimizding iri kәsiporyndarynyng basshylary qatysty.

Kenes barysynda sóz sóilegen enbek jәne halyqty әleumettik qorghau viyse-ministri S. Jaqypova men ónirlerding әkimderi 42,5 myng tengege deyin jalaqy alatyn, memlekettik jәne jekemenshik úiymdardaghy qyzmetkerlerding sanyna statistika keltirip, Joldau–2019-daghy tapsyrmalardy oryndau maqsatynda qabyldanyp jatqan sharalar turaly bayandady. Bayandamashylardyng pikirinshe, eng tómengi enbekaqyny arttyrudan kýtiletin әleumettik әser eng tómengi jalaqy alatyn qyzmetkerlerding ómir dengeyin aitarlyqtay kóteruge jol ashady.

Elimizding iri әri orta kәsiporyndarynyng basshylary da óz oilaryn jetkizdi. Keneste sóz sóilegen «Arselor Mittal Temirtau» AQ bas diyrektory Kalon Singh Paramjit tek eng tómengi jalaqy alatyndardyng emes, jalpy kәsiporyn júmysshylarynyng 80%-gha juyghynyng enbekaqysyn kóteruge tolyqtay dayyn ekenin atap ótti.

Memleket basshysynyng halyq jalaqysynyng dengeyin kóteru turaly ýndeuin tolyq qoldau jónindegi biznesting shoghyrlandyrylghan pozisiyasy «Atameken» ÚKP basqarma tóraghasynyng orynbasary E. Júmaghaziyevting sózinde de kórinis tapty.

Mәseleni talqylau qorytyndysyn shyghara otyryp, QR Premier-Ministri Baqytjan Saghyntaev enbek jәne halyqty әleumettik qorghau, aqparat jәne kommunikasiyalar ministrlikterine, oblystardyng әkimderine jәne Astana, Almaty, Shymkent qalalarynyng әkimderine tómengi jalaqy tólenetin júmysshylar sanattaryna qatysty enbek zannamasynyng saqtaluyn tiyisti baqylaudy qamtamasyz etudi jәne barlyq jerde týsindiru júmystaryn jýrgizu boyynsha sharalar qabyldaudy tapsyrdy. Búdan ózge, enbekaqy tóleu jýiesin retteytin jәne enbek zannamasynyng saqtaluyn qadaghalaytyn, sonyng ishinde júmysshylardyng jappay qyzmetten bosatyluyna jәne olardyng enbek shartynsyz júmys isteuine jol bermeytin újymdyq kelisimderge, júmys berushi aktilerine qol qoyyluyn jәne saqtaluyn qamtamasyz etu tapsyryldy.

Abai.kz