QR Premier-Ministri Baqytjan Saghyntaev Astana Agro Forum 2018 agroónerkәsiptik keshendi damytu mәseleleri jónindegi birinshi halyqaralyq forum júmysyna qatysty. Eki kýndik baghdarlama sharalaryna halyqaralyq sarapshylar qauymynyng jәne ýkimettik emes sektordyng ókilderi, auyl sharuashylyghy ónimin óndirushiler, jergilikti atqarushy organdardyng basshylary jәne t.b. jalpy 800-den astam adam qatysuda.

Forumnyng ashyluy kezinde Premier-Ministr shara qatysushylaryna Qazaqstan Respublikasynyng Preziydenti N. Nazarbaevtyng egin jinau nauqanynyng ayaqtaluyna oray arnaghan sózin oqyp berdi.

«Qúrmetti auyl enbekkerleri! Damyghan agrarlyq sektory bar el retinde Qazaqstan ýshin egin jinau nauqany qashan da manyzdy is. Qolaysyz aua-rayy jaghdayynda jinalghan biylghy týsim – sizderding ayanbay tókken terlerinizding jәne kәsiby sheberlikterinizding nәtiyjesi. 22 mln tonnadan astam dәndi jәne dәndi-búrshaqty daqyldar jinaldy, búl ishki qajettilikti tolyqtay qamtumen qatar, shetel naryqtaryna ýlken kólemde eksporttaugha da mýmkindik beredi. Osynday joghary kórsetkishter elimizding әlemdegi iri astyq ónimderin shygharushy retindegi mәrtebesin kezekti ret dәleldep otyr.

Auyl sharuashylyghynda jýrgizilip jatqan jýieli reformalardyng arqasynda osy strategiyalyq manyzy bar salanyng әleueti men investisiyalyq tartymdylyghy aitarlyqtay ósti. Memleket agroónerkәsiptik keshendi jan-jaqty qoldaudy búdan әri jalghastyrady, osylaysha zamanauy tehnologiyalardy tartugha, enbek ónimdiligin arttyrugha jәne onyng jahandyq bәsekege qabilettiligin nyghaytugha yqpal etedi.  

Elimizding barlyq sharualaryn 2018 jylghy egin jinau nauqanynyng jemisti ayaqtaluymen qúttyqtaymyn! Qazaqstan halqy sizderding azyq-týlik qauipsizdigi men ekonomikalyq ósimdi qamtamasyz etuge, elimizding órkendeuine júmsaghan kýsh-jigerlerinizdi joghary baghalaydy. Sizderge zor densaulyq, enbekterinizge aldaghy uaqytta da tabystar tileymin!», — delingen Memleket basshysynyng qúttyqtau sózinde.

Plenarlyq sessiya barysynda Premier-Ministrding orynbasary – QR auyl sharuashylyghy ministri Ómirzaq Shókeev, Dýniyejýzilik bankting auyl sharuashylyghy boyynsha sarapshysy Sergey Zorya jәne «Grand Farm Meats» preziydenti Chen Sibina bayandama jasady.

Premier-Ministrding orynbasary – auyl sharuashylyghy ministri Ó. Shókeev salanyng biylghy damuy jәne aldaghy kezenge arnalghan mindetter turaly aityp berdi. Mәselen, AÓK ónimderining eksporty segiz aida 30%-gha ósti, sonyng ishinde auyl sharuashylyghy qayta óndeu ónimderining eksporty 11%-gha artty. Búdan ózge, auyl sharuashylyghy salasyna týsken investisiyalar aghymy 14%-gha (239,7 mlrd tenge), azyq-týlik ónimderine 32%-gha (76,8 mlrd tenge) úlghaydy. Sonday-aq, Premier-Ministrding orynbasary – auyl sharuashylyghy ministri AÓK subektilerine qarjylandyrudyng qoljetimdiligin arttyru, agrarlyq ghylym men bilimdi reformalau, etti mal sharuashylyghy men eksporttyq әleuetti damytu ýshin jaghdaylar jasau boyynsha atqarylyp jatqan júmystar turaly investorlargha aityp berdi.

Óz kezeginde Dýniyejýzilik bankting auyl sharuashylyghy jónindegi sarapshysy S. Zorya et ónimine degen әlemdik súranys, onyng qauipsizdigi men damuyndaghy jahandyq ýrdister turaly aityp berdi. Grand Farm Meats kompaniyasynyng preziydenti – Qytaydyng Et odaghynyng basshysy Chen Sibin QHR et naryghyn damytudyng qazirgi jaghdayy, ózge eldermen yntymaqtastyq, sonday-aq, et ónimderin eksporttau túrghysynan Qazaqstanmen ózara is-qimyl perspektivalary turaly aitty.

Plenarlyq sessiya spiykerleri bayandamalarynyng qorytyndysy boyynsha Premier-Ministr B. Saghyntaev býginde Qazaqstannyng agroónerkәsiptik kesheni investisiyalar ýshin asa tartymdy bolyp otyrghanyn atap ótti. Investorlargha QR-nyng auyl sharuashylyghy salasyn damytugha investisiya salghan óte tiyimdi, sebebi әlemdegi iri naryqtarynyng biri — Qytaydy qosa alghanda, iri sauda naryqtaryna jol ashylady. Óz kezeginde, Qazaqstan halyqaralyq tәjiriybeni eskere otyryp, týrli memlekettik baghdarlamalardy qabyldau arqyly AÓK-ti qarqyndy týrde damytyp jatyr. Auyl sharuashylyghyn damytudyng negizgi basymdyqtarynyng biri — ótkizu naryqtaryn keneytuge, shet elderge jetkizilimderdi arttyrugha jәne bәsekege qabilettilikti arttyrugha yqpal etetin, salany tehnologiyalyq qayta jaraqtandyru jәne ghylym.

«Ótken jyly Memleket basshysy “Qazaqstannyng ýshinshi janghyruy: jahandyq bәsekege qabilettilik” joldauynda auyl sharuashylyghy ekonomika drayveri ekenin naqty belgilep kórsetken edi. Biyl Preziydent “Qazaqstandyqtardyng әl-auqatynyng ósui: tabys pen túrmys sapasyn arttyru” joldauynda bes jyl ishinde enbek ónimdiligin 2,5 ese kóbeytudi, baghdarlama ýshin jyl sayyn qosymsha 100 mlrd tenge qarastyrudy, Últtyq bank tarapynan ekonomika damuyna 600 mlrd tenge kóleminde qarjy bóludi, onyng 200 mlrd tengesin auyl sharuashylyghy salasyna baghyttaudy tapsyrdy. Qolda bar qarajattargha qosymsha 300 mlrd tg qosyldy. Qazirgi tanda Dýniyejýzilik bank nesiyeler týrinde $500 mln investisiya salugha әzir», — dedi B. Saghyntaev.

Sonymen qatar, memlekettik qoldau jýiesi eksportqa baghdarlanghan auyl sharuashylyghy kәsiporyndaryna basymdyq beretini atalyp ótti.

Forum alanynda Baqytjan Saghyntaev auyl sharuashylyghy salasynda júmys isteytin iri transúlttyq kompaniyalardyng ókilderimen újymdyq kezdesu ótkizdi. Olardyng qatarynda Farm Frites Beheer B.V, Grand Farm Meats, Hyundai Corporation, AGCO, CLAAS, Dal Holding Investment Co, Valmont Middle East FZE jәne t.b. kompaniyalar bar. Sonday-aq, kezdesuge memlekettik jәne jergilikti atqarushy organdardyng ókilderi, salalyq qauymdastyqtar men auyl sharuashylyghy tauaryn óndirushiler ókilderi qatysty.

Investorlar Qazaqstanda jýzege asyrylyp jatqan jobalarmen tanystyrdy. Búl — friy-kartop shygharatyn zauyt qúrylysy, auyl sharuashylyghy traktorlaryn shygharu, auyl sharuashylyghy tehnikasyn qúrastyru, qant shygharatyn zamanauy zauyt qúru, jylyjay Agroparkining qúrylysy jәne t.b.

Qazaqstan tarapynan «Qyzylsha» JShS jobalar basshysy M. Beybitbekúly men «Bio Grain» JShS bas diyrektory D. Ótebaeva AÓK damuy ýlken ekonomikalyq jәne әleumettik manyzgha ie ekenin, el halqynyng jartysyna juyghynyng negizgi tabys kózi ekenin atap ótti. Sonymen birge, tikeley sheteldik investisiyalardy tartu jәne ózara tiyimdi negizde auyl sharuashylyghy salasynda birlesken óndiris oryndaryn qúru asa manyzdy.

Kezdesu sonynda Almaty, Jambyl, Qaraghandy, Qostanay jәne Týrkistan oblystary әkimderining orynbasarlary sheteldik kompaniyalarmen investisiyalyq jobalardy tabysty iske asyrugha negiz bolatyn jol kartalaryna qol qoydy. Óz kezeginde Ýkimet Auyl sharuashylyghy ministrligining atynan investorlargha barlyq qajetti qoldaudy kórsetuge әzir.