Beysenbi, 22 Tamız 2019
Osı ğoy endi... 1264 8 pikir 1 Qaraşa, 2018 sağat 09:33

Zeynet qorlarındağı qarjı nege tabısı tım kümändi Äzerbayjan bankine salınadı?

Qazaqstan Respublikası Parlamenti

Mäjilisiniñ deputattarına!

Qazaqstan Respublikasınıñ 

Prem'er – ministri  B.Sağıntaevtıñ,

QR WQK  bastığı K.Mäsimovtıñ

nazarına!

Qazaqstan Respublikasındağı zeyneti qorlarındağı qarjılar wstağannıñ qolında, tistegenniñ auzında ketip baradı. Bizdiñ Ükimet qorda 8,9 trln tengeden astam qarjı bar deydi. (ağımdağı uaqıtta - 372/$1), Astana. 13 oktyabrya. INTERFAKS-KAZAHSTAN).

Nege ol qarjılar biliktegi qorqau - jemqorlardıñ jemtigine aynaluı kerek?! Nege bwl qarjılar şeteldikterdiñ basqarularına berilui kerek? Osı elde bası isteytin, qor basqaratın deni sau adam qalmağan ba? Älde el basqarğandardıñ bäri şetinen zeynetker, demalğısı kep qattı şarşap jürgen şaldar ma?! Nege bwl qarjılar elge kerekti, halıq twtınatın tauarlar şığaratın zauıttar men fabrikalar saluğa jwmsalmaydı? Nege bwl qarjılar aydaladağı, tabısı tım kümändi Äzerbayjan bankine salınadı?

Osını baqılaytın, qadağalaytın elde zañ da, tiisti organdar bar ma özi? Eldegi zañdardıñ özin jemqorlar men qanağatsız keybir biliktegi wrı-qarılar men dardan qaşqandar özderine asap qoyuğa, milliardtap jep qoyuğa ılayıqtap alğan ba? Bwl tausılmaytın ne degen bardak?! Kim tärtip ornatadı? Zeynetkerdiñ öziniñ mañday terimen tapqan aqşaları nege oğan közi tirisinde, al öle ketse nege mwragerine qaytarılmaydı? Bwl zañdı şığarıp jürgen qay ministr? Onı qoldap jürgen kim?! Prezident, Parlament, Prokuratura qayda qarap otır? Kim osı özekti swraqqa jauap beredi?!

Sälemmen, İlesbek Bayjanov

Abai.kz

8 pikir