Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Anıq 2809 0 pikir 5 Qaraşa, 2018 sağat 11:51

Abaev: Aziya men Europa arasında cifrlıq köpir bolğımız keledi

Bügin QR Aqparat jäne kommunikaciyalar ministrliginiñ wyımdastıruımen, «Zerde» Wlttıq infokomunikaciya holdingi» AQ jäne Astana Hub halıqaralıq tehnoparkiniñ qoldauımen «Digital Bridge» halıqaralıq innovaciyalıq forumı bastaldı.

QR Aqparat jäne kommunikaciyalar ministri Däuren Abaev forumnıñ aşıluında söz söyledi.

«Forumğa 2500 mıñnan astam qatısuşı kelip otır. Sonday-aq, älemniñ aldıñğı qatarlı kompaniyaları men wyımdarınıñ 200 jetekşisi, mıñdağan investor men türli startap joba avtorı bar. Osılayşa alğa qoyğan maqsatımızdıñ jüzege asuına dañğıl jol aşıldı. Öytkeni jobanıñ bastı ideyası – tıñ ideyalardan quat alıp özara täjiribe almasu, Aziya men Europa tehnologiyalıq ortalıqtarınıñ arasında altın köpir bolu», - dep atap ötti ministr forum aşıluında.

Abaev Qazaqstanda jüzege asırılıp otırğan innovaciyalıq tehnologiyalar turalı ayttı.

«Elimizde özderiñiz körip otırğanday bügin innovaciyalıq jüyeler iske qosıluda. Erteñ Prezident halıqaralıq Astana tehnoparkin aşıluın mälimdeydi jäne bwl qazirgi zamandağı Qazaqstannıñ tehnologiyalıq damuındağı jaña künge aynalmaq. Biz Wlı Jibek jolınıñ mwragerleri retinde Aziya men Europa arasında cifrlıq köpir bolğımız keledi. Qatısqandarıñız üşin tağı da alğısımdı aytamın. Tabıstı jwmıs pen qızıqtı talqılau tileymin», - dep sözin tüyindedi Däuren Abaev.

Ayta ketsek, forumğa halıqaralıq İT-qoğamdastıq ökilderi, tehnologiya salasındağı belgili sarapşılar, käsiporın basşıları, tehnologiyalıq käsipkerler men özge de elderdiñ memlekettik sektorları ökilderi, ğalımdar, käsipqoy cifrlıq äzirleuşiler, sonımen birge vençurlıq kapitalister men investorlar qatıstı.

Bügin Digital Bridge alañında 50-den asa qazaqstandıq jäne halıqaralıq spikerler söz söyledi, olardıñ işinde: Startup Genome bas direktorı Jan-Fransua Got'e; CEO Hyperloop Transportation Dirk Alborn; Startap akademiyasınıñ mentorı jäne keñesşi, startap taqırıbı boyınşa satılımğa eñ köp şıqqan kitaptıñ avtorı Bob Dorf; Galaktika jeke menşik ğarış kompaniyasınıñ negizin qalauşı jäne iesi Aliya Prokof'eva; Priceline Group qosa negizin qalauşı Djeff Hoffman; vençurlıq kapitaldıñ halıqaralıq firması Global Catalyst Partners törağası jäne teñ merdigeri Kamran Elahian bar.

Forum ayasında «Cifrlıq ekonomika damuınıñ jahandıq trendi jöninde dialogı» attı plenarlıq sessiyası ötedi. Sonımen bige cifrlandıru salasındağı eñ alğaşqı Digital Bridge Awards jüldesi tabıstaladı.

Abai.kz

0 pikir