Búl – tenizding arghy betinde bolghan oqigha. Ony jetkizgen Qúlan auylynyng túrghyny, atbegi Meyilbek Begaziyev edi.

Eki qazaq jigiti sekseninshi jyldary Amerikagha júmys saparymen barsa kerek. Sodan kafege toqtap tamaqtanyp, temeki tartyp túrady.

Kafemen irgeles bir fermerding at qorasy bar eken, kenet ishinen bir túlpar tulap, kisiney beredi. – Mynaghan ne boldy? – deydi de, olar qoragha jaqyndaydy.

Búlar jaqyndaghan sayyn túlpar typyrlap, bas jibin tartqylap yntygha týsti. Esikke tesile qarap, qonaghyn úzaq kýtken kisishe elendeydi, jaryqtyq. Jigitter jaqyndap, mandayynan sipap edi, momaqan bola qaldy. Sóitip túlpar túmsyghyn búryp, jigitterding qoly men jeninen iyiskey berdi. IYiskey týsip, sәlem beruge iyilgen kelindey basyn tómen saldy. Osy sәtte jylqynyng janarynan jas parlap ketti. Myna jaghdaygha týsinbey abdyrap qalghan olar dereu ketpek boldy. At taghy tulap ketti. Osy kezde fermer de kele qaldy.

– Sizder múnda qaydan jýrsizder? Jylqygha ne istep qoydynyzdar? – dedi de, jón súrasty.

– Qazaqstannanbyz. Myna jylqy oqys qylyq kórsetip jatqan song kórgimiz keldi. Bar-joghy osy ghana, – dedi jigitter.

– Týsinikti, – dedi fermer, – túlpar "Lugovoy" jylqy zauytynan satyp alynghan. Jerlesterin tanyp túrghan ghoy!