Düysenbi, 27 Mamır 2019
Dep jatır 1158 3 pikir 8 Qaraşa, 2018 sağat 09:11

Ükimet qazaqtıñ asıl twqımdı iri qarasın subsidiyadan nege qalıs qaldırdı?

Ükimet qazaqtıñ «Äulieköl» asıl twqımdı iri qarasın subsidiyadan nege qalıs qaldırdı? – bwl jöninde bügin Mäjilistiñ plenarlıq otırısında «Aq jol» parlamenttik frakciyasınıñ deputatı Erlan Barlıbaev QR Prem'er-Ministriniñ orınbasarı, Auıl şaruaşılığı ministri Ömirzaq Şökeevtiñ atına deputattıq saual joldadı.

«Osı jılı Ükimet asıl twqımdı maldıñ önimdiligin arttıru üşin subsidiyanıñ jaña Erejelerin bekitti. Alayda, Erejede otandıq iri qara maldıñ etti twqımdarınıñ sanın wlğaytudı ıntalandıru şaraları qarastırılmağan. YAğni, importtıq analıq mal basın subsidiyalaudı saqtap qalıp, al otandıq asıl twqımdı tanalardı satıp alu memlekettik qoldaudan tıs qalıp otır», - dep mälimdedi Barlıbaev.

Deputattıñ aytuınşa, elimizge kez-kelgen twqımnıñ analıq mal basın äkelip, ol üşin subsidiya aluğa boladı. Degenmen, Äulieköl twqımı Qazaqstannan basqa jerde joq, sondıqtan onı eşqaydan äkele almaymız. Eger elimizde asıl twqımdı analıq bastı satıp aludı subsidiyalau toqtatılsa, et öndiruşiler tolığımen importtıq asıl twqımdardı äkeluge mäjbür boladı. Osınıñ saldarınan uaqıt öte kele jalğız qazaqstandıq, eksporttıq potencialı joğarı twqımnıñ sanı azayadı.

Esteriñizge sala keteyik, 1992 jılı elimizde jaña Äulieköl arnayı etti iri qara twqımın şığaru jwmıstarı sätti ayaqtaldı. Osı jwmısqa otandıq selekcionerler men ğalımdardıñ 30 jıl qajırlı eñbegi men ömiri arnaldı. Däl osı Äulieköl twqımı qazaqstandıq brendke aynala alatın otandıq selekciyanıñ alğaşqı jäne äzirge jalğız jetistigi bolıp otır.

Qazaqstanda et öndirisi, auıl şaruaşılğınıñ eñ negizgi jäne basım salasınıñ biri bolıp tabıladı. Elbası 2014 jılğı Joldauında elimizdi asa iri aymaqtıq et eksporteri etu jöninde mindet qoyğan.

«Biraq, memleket importtı subsidiyalauğa jäne şeteldik iri qaranı bağıp qağuğa äjepteuir qarajat bölip, al qazaqtıñ «Äulieköl» asıl twqımın nazardan tıs qaldırıp otır», - dep atap ötti halıq qalaulısı.

Ayta ketken jön,bBwl twqımnıñ eñ bastı erekşeligi - ol bizdiñ qatañ klimatqa beyimdiligi jäne etiniñ joğarı sapası. Töldeu qabileti öte joğarı, ortaşa körsetkişi 80-85 payız, jaqsı kütim körse 97-100 payızğa jetedi.

Osılayşa, «Aq jol» demokratiyalıq partiyasınıñ frakciyası otandıq selekciya jetistigin saqtap qalu üşin Ükimetten tiisti memlekettik qoldau şaraların qarastırudı swradı.

Abai.kz

 

 

3 pikir