Beysenbi, 18 Şilde 2019
Bilik 1370 6 pikir 28 Qaraşa, 2018 sağat 10:09

Wlttıq tarihtıñ wlıqtalğanı – Elbasınıñ wlı mwratı

Ötken aptada Elbası N.Ä.Nazarbaevtıñ «Wlı Dalanıñ jeti qırı» dep atalatın qazirgi zamanğa kerek te, qajet te maqalası jarıq kördi. İssaparmen Iran elinde jürgem, internetti qosıp, maqalanı oquğa asıqtıq. Köne parsı jwrtında jürip, wlttıq qwndılıqtarımızdıñ Elbası tarapınan wlıqtalıp jatqanın oqıp, qolımızğa qalam alğanşa asıqtıq.

"Keñistik – barlıq närseniñ, al uaqıt – bükil oqiğanıñ ölşemi" dep bastalatın maqalada, bastısı – biz kim ekendigimizdi anıqtadıq. Bizdiñ ata-babalarımız saqtardıñ, ğwndardıñ, türki etnikalıq toptarınıñ mwrageri. Wlt tarihındağı uaqıt pen keñistik şeñberindegi älem örkenietine jeti türli ğajayıptı sıylağan dara etnostıñ darağımız.

Degenmen, biz kim ekenimizdi anıqtap, onı aldağı uaqıtta tereñinen zertteytin bolamız. Sondıqtan da, Elbası öz maqalasında «Arhiv – 2025» jeti jıldıq bağdarlamasın jasauımız qajet dep sanadı. Qwr auızşa derek pen añızdarğa emes, naqtı qwjattarğa süyengen tıñ tarihımız öskeleñ wrpaqtıñ sanasına silkinis tudırıp, ötken jılı jariyalanğan «Bolaşaqqa bağdar: ruhani jañğıru» bağdarlamalıq maqalasınıñ jalğasınday bolatını anıq.

Käsipkerlik pen biznes salasında jürsem de, wlttıq tarihımız ben qwndılıqtarımızdan şet qalğan emespin. «Ruhani jañğıru» ayasında tuğan jerime qoldan kelgenşe qızmet etip, qazaq halqınıñ tarihında erekşe ornı bar Qoşqar Ata beynesin qoldan kelgenşe bolaşaq wrpaqtıñ sanasına qaldıruğa küş saludamın. Sodan bolar, ötken jılı «Qiırdağı qazaqtar» köp seriyalı derekti fil'mine qoldau tanıttım. Alıs-jaqın şetelderdegi qazaqtardıñ tarihına qatıstı qanşama qwndı derek körermenge jol tarttı. Qarap otırıp, közime jas keldi. Mümkindik bolsa, Elbası bastağan, elimiz qostağan Qazaqstanıma qızmet etkenge ne jetsin degen oy tüyip, wlttıq tarihtı tügendeuge ärbir käsipker üles qossa deymin.

Sebebi, biz tarihtı ata-babamızdan mwrağa alğan joqpız, biz onı keler wrpaqqa amanat etip tapsıramız.

Oralbek Botbay, Professor, «Qwrmet» ordeniniñ iegeri, Euraziyalıq şığarmaşılıq gil'diyasınıñ müşesi (London)

Abai.kz

6 pikir